2011-02-12
អង្គការ យូណេស្កូ (UNESCO) បានតែងតាំងអតីតអគ្គនាយកយូណេស្កូ ជាបេសកជនពិសេស ដើម្បីពិនិត្យស្ថានភាពប្រាសាទព្រះវិហារ។ ប្រភពពីបណ្ដាញព័ត៌មានរបស់អង្គការយូណេស្កូ (UNESCO) បានឲ្យដឹងថា អតីតអគ្គនាយកអង្គការយូណេស្កូ លោក កូជីរ៉ូ ម៉ាត់ស៊ូអ៊ូរ៉ា (Koichiro Matsuura) ត្រូវបានគេតែងតាំងជាបេសកជនពិសេស នៃប្រាសាទព្រះវិហារ ហើយលោកនឹងអញ្ជើញមកដល់ក្រុងបាងកក និងក្រុងភ្នំពេញនៅពេលដ៏ខ្លីខាងមុខនេះហើយ។
ការតែងតាំងលោក កូជីរ៉ូ ម៉ាត់ស៊ូអ៊ូរ៉ា បានធ្វើឡើងនៅក្នុងកិច្ចប្រជុំបន្ទាន់របស់អង្គការយូណេស្កូ ដែលគេបានធ្វើឡើងនៅទីក្រុងប៉ារីស ប្រទេសបារាំង កាលពីថ្ងៃសុក្រកន្លងទៅនេះ។
ក្នុងសេចក្ដីប្រកាសព័ត៌មានរបស់អង្គការយូណេស្កូ ថ្ងៃទី១១ កុម្ភៈនេះ អ្នកស្រី អ៊ីរីណា បូកូវ៉ា (Irina Bokova) បានថ្លែងថា លោក កូជីរ៉ូ ម៉ាត់ស៊ូអូរ៉ា នឹងអញ្ជើញមកកាន់ក្រុងភ្នំពេញ និងក្រុងបាងកក ដើម្បីពិភាក្សាថា តើធ្វើយ៉ាងម៉េចដើម្បីការពារតំបន់បេតិកភណ្ឌពិភពលោក។ លោកនឹងធ្វើការជាមួយភាគីទាំងពីរ ដើម្បីបន្ថយនូវភាពតានតឹង ហើយនឹងជំរុញការជជែកជុំវិញការថែរក្សាប្រាង្គប្រាសាទ។
កិច្ចប្រជុំនោះ បានធ្វើឡើងនៅស្របពេលដែលរដ្ឋមន្ត្រីក្រសួងការបរទេសឥណ្ឌូណេស៊ី ដែលជាប្រធានសមាគមអាស៊ាន នាពេលបច្ចុប្បន្ននេះ គឺលោក ម៉ាធី ណាតាលីហ្គាវ៉ា (Marty Natalegawa) បានផ្ញើលិខិតទៅគ្រប់សមាជិកប្រទេសអាស៊ានទាំង១០ ដើម្បីបើកកិច្ចប្រជុំបន្ទាន់មួយ ស្ដីអំពីបញ្ហាខ្មែរ-ថៃ នៅថ្ងៃទី២២ ខែកុម្ភៈខាងមុខនេះដែរ នៅទីក្រុងចាការ៉ាតា (Jakarta) ប្រទេសឥណ្ឌូណេស៊ី។
លោក កុយ គួង អ្នកនាំពាក្យក្រសួងការបរទេសកម្ពុជា បានបញ្ជាក់ថា កម្ពុជាបានត្រៀមខ្លួនស្នើឲ្យមានការដោះស្រាយ ហើយនិងមិនទទួលយកការដោះស្រាយបញ្ហាទ្វេភាគីទៀតឡើយ បើទោះបីជាមានសំណើនោះ នៅក្នុងកិច្ចប្រជុំអាស៊ាននោះក្ដី ៖ "សំខាន់កម្ពុជាចង់ឲ្យមានបទឈប់បាញ់គ្នាជាអចិន្ត្រយ៍។ ហើយអាស៊ាន ក៏គួរតែយល់ដែរ បើសិនជាបញ្ហាទ្វេភាគីហ្នឹងអាចទៅរួចបាន មិនមែនកម្ពុជាធ្វើលិខិតទៅឲ្យមានការកោះប្រជុំនៅអង្គការសហប្រជាជាតិទេ។ បញ្ហាទ្វេភាគីនេះ វាហួសសម័យហើយ ចំពោះប្រទេសឈ្លានពានមួយព្យាយាមនិយាយបែបនេះ"។
ការកោះហៅរបស់លោក ម៉ាធី ណាតាលីហ្គាវ៉ា ដើម្បីបើកកិច្ចប្រជុំបន្ទាន់របស់អាស៊ាន ធ្វើឡើងបន្ទាប់ពីក្រុមសន្តិសុខអង្គការសហប្រជាជាតិ បានបើកកិច្ចប្រជុំបន្ទាន់ដោយឡែកមួយទៀត នៅទីក្រុងញីវយ៉ក បន្ទាប់ពីការវាយប្រហារគ្នាចំនួន ៤ថ្ងៃ ចាប់ពីថ្ងៃទី៤ ដល់ថ្ងៃទី៧ បានកើតឡើង បណ្ដាលឲ្យមានយោធានៃភាគីទាំងសងខាងជាច្រើននាក់ស្លាប់ និងរបួស។
អគ្គលេខាធិការនៃសមាគមអាស៊ាន លោក ស៊ូរិន ពិតស៊ូវ៉ាន (Surin Pitsuwan) ដែលត្រូវស្រង់សំដីដោយកាសែតបាងកកប៉ុស្តិ៍ បានថ្លែងថា ការកោះប្រជុំរបស់អាស៊ាន គឺសំដែងនូវកិច្ចប្រឹងប្រែងស្វែងរកការដោះស្រាយនៃជម្លោះប្រទេសទាំងពីរ ដែលជាសមាជិករបស់ខ្លួន។
លោក ហោ ណាំហុង បានថ្លែងនៅមុនការចេញដំណើរទៅប្រជុំក្រុមប្រឹក្សាសន្តិសុខអង្គការសហប្រជាជាតិ កាលថ្ងៃទី១១ ថាថៃនៅតែបន្តការឈ្លានពានរបស់ខ្លួនមកលើកកម្ពុជានៅឡើយទេ ៖ "ប្រជុំក្រុមប្រឹក្សាសន្តិសុខនេះជាបរាជ័យរបស់ថៃ ឱកាសមួយរបស់សហគមន៍អន្តរជាតិទាំងមូល ឲ្យគេស្គាល់ពុតត្បុត និងភាពឈ្លានពានរបស់ថៃ ការបោកបញ្ឆោតរបស់ថៃមកលើកម្ពុជា និងការដាក់គំនាបយោធារបស់ថៃមកលើកម្ពុជា"។
ប្រភពពីក្រសួងការបរទេសខ្មែរបញ្ជាក់ថា មកដល់ពេលនេះ ថៃបានបញ្ជូនកងទ័ពរបស់ខ្លួនប្រមាណ ២ម៉ឺននាក់មកកាន់ព្រំដែនបន្ថែមទៀត។ ប៉ុន្តែភាគីថៃវិញ បាននិយាយថា ភាគីខ្មែរបានបើកការវាយប្រហារ ដែលបណ្ដាលឲ្យមានការការពាររបស់ភាគីថៃ។
នៅជុំវិញការវាយប្រហារដែលបណ្ដាលឲ្យមានការខូចខាតធ្ងន់ធ្ងរ ដល់ប្រាង្គប្រាសាទព្រះវិហារ អ្នកស្រីបានសំដែងការព្រួយបារម្ភអំពីប្រសាទបូរាណនេះ ដែលទើបនឹងបានចុះបញ្ជីបេតិកភណ្ឌពិភពលោក កាលពីឆ្នាំ២០០៨ កន្លងទៅ។ អ្នកស្រីក៏បានអំពាវនាវឲ្យភាគីខ្មែរ និងថៃ គោរពអនុសញ្ញាឆ្នាំ១៩៧២ ស្ដីអំពីការការពារ និងថែរក្សាសម្បត្តិបេតិកភណ្ឌផងដែរ៕
ការតែងតាំងលោក កូជីរ៉ូ ម៉ាត់ស៊ូអ៊ូរ៉ា បានធ្វើឡើងនៅក្នុងកិច្ចប្រជុំបន្ទាន់របស់អង្គការយូណេស្កូ ដែលគេបានធ្វើឡើងនៅទីក្រុងប៉ារីស ប្រទេសបារាំង កាលពីថ្ងៃសុក្រកន្លងទៅនេះ។
ក្នុងសេចក្ដីប្រកាសព័ត៌មានរបស់អង្គការយូណេស្កូ ថ្ងៃទី១១ កុម្ភៈនេះ អ្នកស្រី អ៊ីរីណា បូកូវ៉ា (Irina Bokova) បានថ្លែងថា លោក កូជីរ៉ូ ម៉ាត់ស៊ូអូរ៉ា នឹងអញ្ជើញមកកាន់ក្រុងភ្នំពេញ និងក្រុងបាងកក ដើម្បីពិភាក្សាថា តើធ្វើយ៉ាងម៉េចដើម្បីការពារតំបន់បេតិកភណ្ឌពិភពលោក។ លោកនឹងធ្វើការជាមួយភាគីទាំងពីរ ដើម្បីបន្ថយនូវភាពតានតឹង ហើយនឹងជំរុញការជជែកជុំវិញការថែរក្សាប្រាង្គប្រាសាទ។
កិច្ចប្រជុំនោះ បានធ្វើឡើងនៅស្របពេលដែលរដ្ឋមន្ត្រីក្រសួងការបរទេសឥណ្ឌូណេស៊ី ដែលជាប្រធានសមាគមអាស៊ាន នាពេលបច្ចុប្បន្ននេះ គឺលោក ម៉ាធី ណាតាលីហ្គាវ៉ា (Marty Natalegawa) បានផ្ញើលិខិតទៅគ្រប់សមាជិកប្រទេសអាស៊ានទាំង១០ ដើម្បីបើកកិច្ចប្រជុំបន្ទាន់មួយ ស្ដីអំពីបញ្ហាខ្មែរ-ថៃ នៅថ្ងៃទី២២ ខែកុម្ភៈខាងមុខនេះដែរ នៅទីក្រុងចាការ៉ាតា (Jakarta) ប្រទេសឥណ្ឌូណេស៊ី។
លោក កុយ គួង អ្នកនាំពាក្យក្រសួងការបរទេសកម្ពុជា បានបញ្ជាក់ថា កម្ពុជាបានត្រៀមខ្លួនស្នើឲ្យមានការដោះស្រាយ ហើយនិងមិនទទួលយកការដោះស្រាយបញ្ហាទ្វេភាគីទៀតឡើយ បើទោះបីជាមានសំណើនោះ នៅក្នុងកិច្ចប្រជុំអាស៊ាននោះក្ដី ៖ "សំខាន់កម្ពុជាចង់ឲ្យមានបទឈប់បាញ់គ្នាជាអចិន្ត្រយ៍។ ហើយអាស៊ាន ក៏គួរតែយល់ដែរ បើសិនជាបញ្ហាទ្វេភាគីហ្នឹងអាចទៅរួចបាន មិនមែនកម្ពុជាធ្វើលិខិតទៅឲ្យមានការកោះប្រជុំនៅអង្គការសហប្រជាជាតិទេ។ បញ្ហាទ្វេភាគីនេះ វាហួសសម័យហើយ ចំពោះប្រទេសឈ្លានពានមួយព្យាយាមនិយាយបែបនេះ"។
ការកោះហៅរបស់លោក ម៉ាធី ណាតាលីហ្គាវ៉ា ដើម្បីបើកកិច្ចប្រជុំបន្ទាន់របស់អាស៊ាន ធ្វើឡើងបន្ទាប់ពីក្រុមសន្តិសុខអង្គការសហប្រជាជាតិ បានបើកកិច្ចប្រជុំបន្ទាន់ដោយឡែកមួយទៀត នៅទីក្រុងញីវយ៉ក បន្ទាប់ពីការវាយប្រហារគ្នាចំនួន ៤ថ្ងៃ ចាប់ពីថ្ងៃទី៤ ដល់ថ្ងៃទី៧ បានកើតឡើង បណ្ដាលឲ្យមានយោធានៃភាគីទាំងសងខាងជាច្រើននាក់ស្លាប់ និងរបួស។
អគ្គលេខាធិការនៃសមាគមអាស៊ាន លោក ស៊ូរិន ពិតស៊ូវ៉ាន (Surin Pitsuwan) ដែលត្រូវស្រង់សំដីដោយកាសែតបាងកកប៉ុស្តិ៍ បានថ្លែងថា ការកោះប្រជុំរបស់អាស៊ាន គឺសំដែងនូវកិច្ចប្រឹងប្រែងស្វែងរកការដោះស្រាយនៃជម្លោះប្រទេសទាំងពីរ ដែលជាសមាជិករបស់ខ្លួន។
លោក ហោ ណាំហុង បានថ្លែងនៅមុនការចេញដំណើរទៅប្រជុំក្រុមប្រឹក្សាសន្តិសុខអង្គការសហប្រជាជាតិ កាលថ្ងៃទី១១ ថាថៃនៅតែបន្តការឈ្លានពានរបស់ខ្លួនមកលើកកម្ពុជានៅឡើយទេ ៖ "ប្រជុំក្រុមប្រឹក្សាសន្តិសុខនេះជាបរាជ័យរបស់ថៃ ឱកាសមួយរបស់សហគមន៍អន្តរជាតិទាំងមូល ឲ្យគេស្គាល់ពុតត្បុត និងភាពឈ្លានពានរបស់ថៃ ការបោកបញ្ឆោតរបស់ថៃមកលើកម្ពុជា និងការដាក់គំនាបយោធារបស់ថៃមកលើកម្ពុជា"។
ប្រភពពីក្រសួងការបរទេសខ្មែរបញ្ជាក់ថា មកដល់ពេលនេះ ថៃបានបញ្ជូនកងទ័ពរបស់ខ្លួនប្រមាណ ២ម៉ឺននាក់មកកាន់ព្រំដែនបន្ថែមទៀត។ ប៉ុន្តែភាគីថៃវិញ បាននិយាយថា ភាគីខ្មែរបានបើកការវាយប្រហារ ដែលបណ្ដាលឲ្យមានការការពាររបស់ភាគីថៃ។
នៅជុំវិញការវាយប្រហារដែលបណ្ដាលឲ្យមានការខូចខាតធ្ងន់ធ្ងរ ដល់ប្រាង្គប្រាសាទព្រះវិហារ អ្នកស្រីបានសំដែងការព្រួយបារម្ភអំពីប្រសាទបូរាណនេះ ដែលទើបនឹងបានចុះបញ្ជីបេតិកភណ្ឌពិភពលោក កាលពីឆ្នាំ២០០៨ កន្លងទៅ។ អ្នកស្រីក៏បានអំពាវនាវឲ្យភាគីខ្មែរ និងថៃ គោរពអនុសញ្ញាឆ្នាំ១៩៧២ ស្ដីអំពីការការពារ និងថែរក្សាសម្បត្តិបេតិកភណ្ឌផងដែរ៕
No comments:
Post a Comment