ថ្ងៃ ច័ន្ទ ទី ១៤ ខែ កុម្ភៈ ឆ្នាំ ២០១១
រាជធានីភ្នំពេញ ៖ ជនជាប់សង្ស័យចាប់ក្មេងប្រុសជំរិតទារប្រាក់ម្នាក់ត្រូវបានប៉ូលិសប៉ុស្តិ៍ស្ទឹងមានជ័យ សហការជាមួយប៉ូលិសខណ្ឌមានជ័យ ធ្វើអន្ទាក់តាមចាប់ខ្លួន បន្ទាប់ពីគេល្បួងក្មេងប្រុសពង្រាត់ចេញពីឪពុក-ម្តាយ ហើយទូរស័ព្ទទៅគំរាមទារប្រាក់ចំនួន៣.០០០ដុល្លារ ប៉ុន្តែចូលអន្ទាក់ប៉ូលិសកាលពីវេលាម៉ោង១និង៣០នាទីរសៀលថ្ងៃទី១៤ កុម្ភៈ ២០១១ នៅហាងកាហ្វេមួយកន្លែងស្ថិតក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ ។
ជនជាប់សង្ស័យឈ្មោះប៊ូ សារ៉េន អាយុ២២ឆ្នាំ ស្នាក់នៅផ្ទះជួល ម្តុំផ្សារកាណាឌីយ៉ា សង្កាត់ចោមចៅ ខណ្ឌដង្កោ...ក្មេងប្រុសរងគ្រោះឈ្មោះយឹម សារី អាយុ១០ឆ្នាំ ស្នាក់នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ពួកគេបានជួបគ្នាកាលពីវេលាម៉ោងជាង៧ព្រឹក... ។ តាមសមត្ថកិច្ចប៉ូលិសបានឱ្យដឹងថា ជនជាប់សង្ស័យនេះធ្លាប់ស្គាល់ និងរាប់អានជាមួយឪពុក-ម្តាយរបស់ក្មេងប្រុសរងគ្រោះបានជួប និងល្បួងក្មេងប្រុសទៅផឹកកាហ្វេនៅហាងមួយ ស្ថិតក្នុងភូមិទ្រា...លុះក្រោយមកល្បួងក្មេងប្រុស ទៅកន្លែងស្ងាត់មួយ ហើយទូរស័ព្ទទៅឪពុក-ម្តាយក្មេងប្រុសដោយគំរាមថា «ត្រូវតែប្រគល់លុយឱ្យគេ៣.០០០ដុល្លារ បើមិនដូច្នោះទេ គេមិនប្រគល់កូនឱ្យវិញឡើយ» ។
ឪពុក-ម្តាយក្មេងប្រុសយឹម សារី មានការភ័យបារម្ភយ៉ាងខ្លាំងក៏ប្តឹងប៉ូលិសឱ្យជួយចាត់ការ...ដំបូងជនជាប់សង្ស័យទាមទារឱ្យយកលុយ ឬផ្ទេរលុយឱ្យគេនៅធនាគារអេស៊ីលីដា ស្ថិតក្នុងសង្កាត់បឹងសាឡាង ប៉ុន្តែប៉ូលិសបានបង្គាប់ម្តាយក្មេងប្រុសរងគ្រោះថា មិនចាំបាច់ទៅធនាគារទេគឺប្រាប់ជននោះទៅ...ជួបគ្នាប្រគល់លុយនៅហាងកាហ្វេភូមិទ្រាបានហើយ ព្រោះលុយប៉ុនហ្នឹងក៏មានជាប់ខ្លួនដែរ ។ លោកចោរក៏យល់ព្រម ធ្វើដំណើរមកទទួលលុយតាមការណាត់ជួបរបស់ភាគីរងគ្រោះ...ក៏ចូលអន្ទាក់ប៉ូលិសតែម្តង ៕
No comments:
Post a Comment