កាយរកឃើញសាកសពមនុស្សជាង150នាក់នៅភាគឦសានក្រុងបាដាដ
ថ្ងៃ អាទិត្យ ទី ១៣ ខែ កុម្ភៈ ឆ្នាំ ២០១១
ប៉ូលិស និងបណ្តាអ្នកទទួលខុសត្រូវអ៊ីរ៉ាក់ រាយការណ៍កាលពីថ្ងៃទី១២ កុម្ភៈ ថា អាជ្ញាធរអ៊ីរ៉ាក់ បានកាយរកឃើញសាកសពមនុស្សជាង១៥០នាក់ ក្នុងតំបន់មួយភាគឦសានក្រុងបាដាដ ដែលធ្លាប់ជាទីលាននៃការប៉ះទង្គិចគ្នាយ៉ាងសាហាវនានាកាលពីឆ្នាំ២០០៧ ។ ប្រភពយោធាមួយ និងប្រមុខកុលសម្ព័ន្ធម្នាក់វាយតំលៃថា សាកសពទាំងនេះជាសាកសពរបស់ពួកយុទ្ធជនអាល់កៃដា ដែលគេប្រមូលយកមកកប់ជិតទីក្រុងបាគូបា ទីប្រជុំជននៃខេត្តឌីយ៉ាឡា។ អ្នកទទួលខុសត្រូវម្នាក់របស់ប៉ូលិសអ៊ីរ៉ាក់និយាយផ្ទុយពីនេះថា សាកសពទាំងនោះជាសាកសពជនរងគ្រោះដោយសារពួកអាល់កៃដាសម្លាប់ ។
បណ្តាផ្នូរទាំងឡាយត្រូវបានរកឃើញនៅជិតភូមិមួយហៅភូមិខាហ្សាល់ឡា ចំងាយ៦០គីឡូម៉ែត្រ ភាគឦសានក្រុងបាដាដ ។ តំបន់នេះក្នុងដំណាក់កាលឆ្នាំ២០០៥ ទៅ២០០៧ មួយផ្នែកធំស្ថិតក្រោមការត្រួតត្រារបស់អាល់កៃដារហូតដល់កងទ័ពអ៊ីរ៉ាក់ និងអាមេរិកធ្វើការវាយលុកមួយ បណ្តេញពួកយុទ្ធជនអ៊ិស្លាមកាលពីឆ្នាំ២០០៧ ៕
បណ្តាផ្នូរទាំងឡាយត្រូវបានរកឃើញនៅជិតភូមិមួយហៅភូមិខាហ្សាល់ឡា ចំងាយ៦០គីឡូម៉ែត្រ ភាគឦសានក្រុងបាដាដ ។ តំបន់នេះក្នុងដំណាក់កាលឆ្នាំ២០០៥ ទៅ២០០៧ មួយផ្នែកធំស្ថិតក្រោមការត្រួតត្រារបស់អាល់កៃដារហូតដល់កងទ័ពអ៊ីរ៉ាក់ និងអាមេរិកធ្វើការវាយលុកមួយ បណ្តេញពួកយុទ្ធជនអ៊ិស្លាមកាលពីឆ្នាំ២០០៧ ៕
No comments:
Post a Comment