2011-02-13
កងទាហានការពារព្រំដែនខ្មែរបានរាយការណ៍ថា ការវាយប្រយុទ្ធគ្នារវាងទាហានខ្មែរ-ថៃ ក្នុងរឿងជម្លោះព្រំដែននៅជិតប្រាសាទព្រះវិហារ បានស្ងប់ស្ងាត់រយៈពេល ៦ថ្ងៃមកនេះ។មេបញ្ជាការជាន់ខ្ពស់នៃកងយោធាខ្មែរ ដែលកំពុងគ្រប់គ្រងទាហានការពារព្រំដែនជុំវិញតំបន់ប្រាសាទព្រះវិហារ បានឲ្យដឹងថាការប្រយុទ្ធគ្នាដោយអាវុធរវាងទាហានខ្មែរ-ថៃ នៅតាមចំណុចព្រំដែនមួយចំនួនពេលនេះ មានសភាពស្ងប់ស្ងាត់ បន្ទាប់ពីកងទ័ពទាំងសងខាងបានប្រយុទ្ធគ្នាចុងក្រោយចំនួន ២លើក កាលពីព្រឹកថ្ងៃទី៧ ខែកុម្ភៈ មកនោះ។
លោកឧត្ដមសេនីយ៍ទោ ស្រី ឌឹក មេបញ្ជាការកងពលធំអន្តរាគមន៍លេខ៣ នៃកងយោធពលខេមរភូមិន្ទ ដែលកំពុងគ្រប់គ្រងកងទ័ពខ្មែរជុំវិញតំបន់ប្រាសាទព្រះវិហារ បានមានប្រសាសន៍កាលពីរសៀលថ្ងៃអាទិត្យ ទី១៣ ខែកុម្ភៈ ថាស្ថានការណ៍កងទ័ពខ្មែរ-ថៃ ដែលកំពុងប្រឈមមុខដាក់គ្នាក្នុងរឿងជម្លោះព្រំដែនបានស្ងប់ស្ងាត់រយៈពេល ៦ថ្ងៃមកនេះ ៖ "ធម្មតាៗ បើចង់ដឹងលំអិតសួរឯកឧត្ដម គន់ គីម"។
មេបញ្ជាការយោធាខ្មែរដដែលបានបញ្ជាក់ថា ចាប់តាំងពីមានការជួបគ្នារវាងមេបញ្ជាការយោធាខ្មែរ ជាមួយមេបញ្ជាការកងពលលេខ៦ ស៊ូរ៉ាក់ណារីរបស់ថៃចុងក្រោយ កាលពីព្រឹកថ្ងៃទី៦ ខែកុម្ភៈ ដើម្បីស្វែងរកការបន្ធូរបន្ថយភាពតានតឹងផ្នែកយោធាមិនបានសម្រេចមក រហូតដល់ពេលនេះ មេបញ្ជាការយោធាទាំងសងខាងនៅតំបន់ជួរមុខ មិនមានគម្រោងជួបជជែកគ្នាណាមួយទៀតទេ។
ចំណែកនៅឯតំបន់ភ្នំទ្រព្យ ចម្ងាយប្រមាណជាង ៤គីឡូម៉ែត្រ ភាគខាងជើងឆៀងខាងលិចពីប្រាសាទព្រះវិហារ ទាហានខ្មែរបានឲ្យដឹងថា ថ្វីត្បិតតែការប្រយុទ្ធគ្នាបានស្ងប់ស្ងាត់រយៈពេល ៦ថ្ងៃមកនេះ ប៉ុន្តែទាហានថៃដែលនៅត្រៀមទល់មុខគ្នានោះ តែងលបលួចវាយប្រហារដោយគ្រាប់បែកដៃ នៅមុខលេណដ្ឋានរបស់ទាហានខ្មែរចំនួន ២-៣ថ្ងៃជាប់ៗគ្នាមកនេះ ៖ "យប់វាបោកគ្រាប់បែក ៣-៤គ្រាប់។ គំនិតវាមិនដឹងយ៉ាងម៉េច ឬក៏គំនិតវាខ្លាចយើងលូនចូល ឬក៏អាចវាជន្លយើងឲ្យយើងវាយវា"។
នៅច្រកតាថាវ ចម្ងាយប្រមាណជាង ៦គីឡូម៉ែត្រ ភាគខាងកើតពីប្រាសាទព្រះវិហារឯណោះវិញ ទាហានខ្មែរបានរាយការណ៍ថា ៣-៤ថ្ងៃមកនេះ គេបានឃើញថៃបញ្ជូនទាហានមកកាន់តែច្រើនឡើង ដោយប្រើគ្រឿងចក្រជីកធ្វើលេណដ្ឋានរឹងមាំផង ៖ "៣-៤ថ្ងៃហើយ មកច្រើនដែរ ហើយវាពង្រីកទីតាំងវានៅខាងកើតខ្ញុំ យក AX យកអីមកកាយ ធ្វើខាងវាហ្នឹង។ អត់ទាន់មានអីប្លែកទេនៅឯណេះ ប៉ុន្តែយើងគ្រាន់តែវាក៏ពង្រឹងលេណដ្ឋានយើងក៏ពង្រឹងលេណដ្ឋានដូចគ្នា យើងនៅតាមខ្សែត្រៀម"។
ចំណែកព័ត៌មានពីប្រទេសថៃ កាលពីថ្ងៃអាទិត្យបានឲ្យដឹងថា ក្រុមប្រឹក្សាសន្តិសុខជាតិថៃកំពុងតែមមាញឹកក្នុងការរៀបចំភស្តុតាងនានា ដែលពាក់ព័ន្ធនិងការចោទប្រកាន់ពីភាគីកម្ពុជាដែរថាថៃបានធ្វើសង្គ្រាមប្រឆាំងនិងកម្ពុជានោះ ដើម្បីត្រៀមខ្លួនចូលប្រជុំនៅឯក្រុមប្រឹក្សាសន្តិសុខអង្គការសហប្រជាជាតិ។
កាសែតបាងកកប៉ុស្តិ៍ (Bangkok Post) បានដកស្រង់សំដីលោកថាវិន ភ្លៀនស្រ៊ី (Thawil Plien Sri) អគ្គលេខាធិការក្រុមប្រឹក្សាសន្តិសុខជាតិថៃ ថាថៃអាចមានភស្តុតាងគ្រប់គ្រាន់ក្នុងការការពារខ្លួន ពីការចោទប្រកាន់របស់ភាគីកម្ពុជា ហើយបន្ថែមលើនេះ ប្រទេសថៃនឹងមានគោលនយោបាយជាមួយប្រទេសសមាជិកសមាគមអាស៊ាន និងភាគីមួយចំនួនទៀត ដែលអាចធ្វើការដោះស្រាយបញ្ហាទាំងនោះ៕
លោកឧត្ដមសេនីយ៍ទោ ស្រី ឌឹក មេបញ្ជាការកងពលធំអន្តរាគមន៍លេខ៣ នៃកងយោធពលខេមរភូមិន្ទ ដែលកំពុងគ្រប់គ្រងកងទ័ពខ្មែរជុំវិញតំបន់ប្រាសាទព្រះវិហារ បានមានប្រសាសន៍កាលពីរសៀលថ្ងៃអាទិត្យ ទី១៣ ខែកុម្ភៈ ថាស្ថានការណ៍កងទ័ពខ្មែរ-ថៃ ដែលកំពុងប្រឈមមុខដាក់គ្នាក្នុងរឿងជម្លោះព្រំដែនបានស្ងប់ស្ងាត់រយៈពេល ៦ថ្ងៃមកនេះ ៖ "ធម្មតាៗ បើចង់ដឹងលំអិតសួរឯកឧត្ដម គន់ គីម"។
មេបញ្ជាការយោធាខ្មែរដដែលបានបញ្ជាក់ថា ចាប់តាំងពីមានការជួបគ្នារវាងមេបញ្ជាការយោធាខ្មែរ ជាមួយមេបញ្ជាការកងពលលេខ៦ ស៊ូរ៉ាក់ណារីរបស់ថៃចុងក្រោយ កាលពីព្រឹកថ្ងៃទី៦ ខែកុម្ភៈ ដើម្បីស្វែងរកការបន្ធូរបន្ថយភាពតានតឹងផ្នែកយោធាមិនបានសម្រេចមក រហូតដល់ពេលនេះ មេបញ្ជាការយោធាទាំងសងខាងនៅតំបន់ជួរមុខ មិនមានគម្រោងជួបជជែកគ្នាណាមួយទៀតទេ។
ចំណែកនៅឯតំបន់ភ្នំទ្រព្យ ចម្ងាយប្រមាណជាង ៤គីឡូម៉ែត្រ ភាគខាងជើងឆៀងខាងលិចពីប្រាសាទព្រះវិហារ ទាហានខ្មែរបានឲ្យដឹងថា ថ្វីត្បិតតែការប្រយុទ្ធគ្នាបានស្ងប់ស្ងាត់រយៈពេល ៦ថ្ងៃមកនេះ ប៉ុន្តែទាហានថៃដែលនៅត្រៀមទល់មុខគ្នានោះ តែងលបលួចវាយប្រហារដោយគ្រាប់បែកដៃ នៅមុខលេណដ្ឋានរបស់ទាហានខ្មែរចំនួន ២-៣ថ្ងៃជាប់ៗគ្នាមកនេះ ៖ "យប់វាបោកគ្រាប់បែក ៣-៤គ្រាប់។ គំនិតវាមិនដឹងយ៉ាងម៉េច ឬក៏គំនិតវាខ្លាចយើងលូនចូល ឬក៏អាចវាជន្លយើងឲ្យយើងវាយវា"។
នៅច្រកតាថាវ ចម្ងាយប្រមាណជាង ៦គីឡូម៉ែត្រ ភាគខាងកើតពីប្រាសាទព្រះវិហារឯណោះវិញ ទាហានខ្មែរបានរាយការណ៍ថា ៣-៤ថ្ងៃមកនេះ គេបានឃើញថៃបញ្ជូនទាហានមកកាន់តែច្រើនឡើង ដោយប្រើគ្រឿងចក្រជីកធ្វើលេណដ្ឋានរឹងមាំផង ៖ "៣-៤ថ្ងៃហើយ មកច្រើនដែរ ហើយវាពង្រីកទីតាំងវានៅខាងកើតខ្ញុំ យក AX យកអីមកកាយ ធ្វើខាងវាហ្នឹង។ អត់ទាន់មានអីប្លែកទេនៅឯណេះ ប៉ុន្តែយើងគ្រាន់តែវាក៏ពង្រឹងលេណដ្ឋានយើងក៏ពង្រឹងលេណដ្ឋានដូចគ្នា យើងនៅតាមខ្សែត្រៀម"។
ចំណែកព័ត៌មានពីប្រទេសថៃ កាលពីថ្ងៃអាទិត្យបានឲ្យដឹងថា ក្រុមប្រឹក្សាសន្តិសុខជាតិថៃកំពុងតែមមាញឹកក្នុងការរៀបចំភស្តុតាងនានា ដែលពាក់ព័ន្ធនិងការចោទប្រកាន់ពីភាគីកម្ពុជាដែរថាថៃបានធ្វើសង្គ្រាមប្រឆាំងនិងកម្ពុជានោះ ដើម្បីត្រៀមខ្លួនចូលប្រជុំនៅឯក្រុមប្រឹក្សាសន្តិសុខអង្គការសហប្រជាជាតិ។
កាសែតបាងកកប៉ុស្តិ៍ (Bangkok Post) បានដកស្រង់សំដីលោកថាវិន ភ្លៀនស្រ៊ី (Thawil Plien Sri) អគ្គលេខាធិការក្រុមប្រឹក្សាសន្តិសុខជាតិថៃ ថាថៃអាចមានភស្តុតាងគ្រប់គ្រាន់ក្នុងការការពារខ្លួន ពីការចោទប្រកាន់របស់ភាគីកម្ពុជា ហើយបន្ថែមលើនេះ ប្រទេសថៃនឹងមានគោលនយោបាយជាមួយប្រទេសសមាជិកសមាគមអាស៊ាន និងភាគីមួយចំនួនទៀត ដែលអាចធ្វើការដោះស្រាយបញ្ហាទាំងនោះ៕
No comments:
Post a Comment