ថ្ងៃ អាទិត្យ ទី ១៣ ខែ កុម្ភៈ ឆ្នាំ ២០១១
(រូបថត ចាន់ថេត)
ជនសង្ស័យ
ខេត្តកំពង់ចាម ៖ ស្របពេលឪពុកម្តាយរបស់ក្មេងស្រីជំទង់អាយុ១៣ឆ្នាំ រស់នៅឃុំជប់ ស្រុកត្បូងឃ្មុំ មិននៅផ្ទះយុវជនឈ្មោះឃន គឹមឈាង អាយុ២០ឆ្នាំ រស់នៅឃុំជាមួយគ្នាបានប្រើកូនកន្ត្រៃគំរាមចាក់សំលាប់ ដើម្បីចាប់រំលោភសេពសន្ថវៈកាលពីវេលាម៉ោង១១យប់ថ្ងៃទី៩កុម្ភៈ ២០១១ ។ លោកអនុសេនីយ៍ឯកឡុង សារិន អធិការរងនគរបាលស្រុកត្បូងឃ្មុំ ទទួលផែនយុត្តិធម៌ប្រាប់ថា ម្តាយរបស់ក្មេងស្រីរងគ្រោះបានដាក់ពាក្យបណ្តឹងនៅប៉ុស្តិ៍រដ្ឋបាលឃុំជប់នាព្រឹកថ្ងៃទី១១ កុម្ភៈ ។ នាវេលាម៉ោង៩ និង៣០នាទីព្រឹកថ្ងដៃដែលដោយទទួលព័ត៌មានថា ជនសង្ស័យឈ្មោះគឹមឈាង ទៅរៀនជួសជុលរថយន្តនៅថ្នល់ទទឹងសមត្ថកិច្ចក៏ជិះរថយន្តទៅឃ្លាំមើល ហើយឃើញគេរត់ទៅខាងក្រោយផ្ទះ។ បន្ទាប់ពីរត់បានប្រហែល១០០ម៉ែត្រត្រូវនគរបាលប៉ុស្តិ៍ជប់និងជំនាញព្រហ្មទណ្ឌស្រុកតាមចាប់បានបញ្ជូនទៅកាន់អធិការដ្ឋាននគរបាលស្រុកត្បូងឃ្មុំ ។
ក្មេងស្រីរងគ្រោះអាយុ១៣ឆ្នាំ ឱ្យដឹងថា នាវេលាយប់ជ្រៅនាងស្រវារកខ្នើយអោប ស្រាប់តែប៉ះមនុស្សប្រុសម្នាក់ ។ ជននោះចាប់ដៃរបស់នាងជាប់និងប្រើកូនកន្ត្រៃ១ភ្ជង់គំរាមនាងមិនឲ្យស្រែក បើមិនដូច្នោះទេ គេនឹងចាក់សំលាប់ ។ ទោះបីជាយប់ងងឹតក្តី តាមរយៈការស្តាប់សំលេង នាងស្គាល់ច្បាស់ថា ជាសំលេងរបស់ឈ្មោះឈាង ដែលកន្លងមកឧស្សាហ៍ចេញចូលផ្ទះរបស់នាងជាញឹកញាប់ជាមួយបងប្រុសនាង ។ ជននោះគំរាមឲ្យនាងដោះសំលៀកបំពាក់ចេញ ហើយចាប់រំលោភសេពសន្ថវៈរហូតដល់បានសំរេច ដោយប្រើពេលប្រហែលជាកន្លះម៉ោង ទើបក្រោកចេញទៅវិញ ។ រឿងនេះនាងបានប្រាប់ជីដូន ហើយបានទៅប្តឹងនគរបាលប៉ុស្តិ៍ ដើម្បីឲ្យជួយអន្តរាគមន៍ ។
លោកវរសេនីយ៍ត្រីថូ ឡងឌី នាយរងការិយាល័យប្រឆាំងការជួញដូរមនុស្ស និងការពារអនីតិជនប្រាប់តាមទូរស័ព្ទឲ្យកោះសន្តិភាពដឹងថា ក្រោយពីនគរបាលស្រុកត្បូងឃ្មុំបានបញ្ជូនជនសង្ស័យឈ្មោះគឹមឈាង មកកាន់ស្នងការដ្ឋាននគរបាលខេត្ត សមត្ថកិច្ចបានបញ្ជូនទៅកាន់សាលាដំបូង ហើយត្រូវលោកថាច់ ឡេង ចៅក្រមស៊ើបសួរចេញដីកាឃុំខ្លួននាថ្ងៃទី១២កុម្ភៈ ដោយចោទប្រកាន់ពីបទចាប់រំលោភសេពសន្ថវៈក្មេងស្រី។ រឿងនេះស្ត្រីជាម្តាយរបស់ក្មេងស្រីរងគ្រោះប្តឹងទារសំណងជំងឺចិត្តចំនួន៧.០០០ដុល្លារ ៕
No comments:
Post a Comment