ដោយ ៖ កោះឯករាជ្យ
ថ្ងៃ អង្គារ ទី ១៥ ខែ កុម្ភៈ ឆ្នាំ ២០១១
ខេត្តព្រះសីហនុ ៖ កាលពីវេលាម៉ោង២រសៀលថ្ងៃទី១៥ កុម្ភៈ ២០១១ មុននេះបន្តិច ព្រះអគ្គីបានលេបត្របាក់ផ្ទះចំនួន១ខ្នងដែលមានទំហំទទឹងប្រហែល ជាង១០ម៉ែត្រ និងបណ្តោយប្រហែលជាង២០ម៉ែត្រ នៅក្បែរទីប្រជុំជនផ្សារវាលរេញស្ថិតក្នុងភូមិបឹងវែង ឃុំវាលរេញ ស្រុកព្រៃនប់ ។ ស្ត្រីម្ចាស់ផ្ទះឈ្មោះជួប សាវ៉ាន អាយុជាង៤០ឆ្នាំ បានយំត្អូញត្អែរ និងសំដែងការសោកស្តាយ ព្រមទាំងធ្វើការសន្និដ្ឋានជាជំហានដំបូងថា មូលហេតុបង្កឱ្យអគ្គីភ័យសន្ធោសន្ធៅនេះអាចបណ្តាលមកពីផ្ទុះ ធុងហ្គាសដាំបាយ ...ប៉ុន្តែអ្នកខ្លះថា បណ្តាលមកពីប្រព័ន្ធភ្លើងតខ្សែមិនត្រឹមត្រូវ ។
ភ្លើងបានបំផ្លាញឱ្យខូចខាតទ្រព្យសម្បត្តិ ប្រមាណ៩០ភាគរយស្ទើរទាំងស្រុងគិតជាប្រាក់រាប់ម៉ឺនដុល្លារ ។ ពេលកំពុងឆេះគេឃើញមានរថយន្តពន្លត់អគ្គីភ័យរបស់អធិការប៉ូលិស ស្រុក១គ្រឿង និងរថយន្តដឹកទឹកលក់៤គ្រឿង ជួយបាញ់ទឹកពន្លត់ភ្លាមៗដែរ តែពុំអាចជួយបានទាំងស្រុងនោះទេ ព្រោះភ្លើងឆេះឡើងខ្លាំងពេញទំហឹងទៅហើយ ។ សូមបញ្ជាក់ថា គ្រួសាររងគ្រោះនេះកំពុងជិតរៀបការកូនទៀតផងគឺខ្វះតែ៣ថ្ងៃទៀត នឹងចូលរោងការហើយ ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភា
No comments:
Post a Comment