ថ្ងៃ អាទិត្យ ទី ១៣ ខែ កុម្ភៈ ឆ្នាំ ២០១១
រូបភាព កោះសន្តិភាព
រូបភាពកាត់តមេជ្រូកបំបៅកូនមនុស្ស
ខេត្តកណ្តាល ៖ ព័ត៌មានមួយដែលធ្វើឱ្យភ្ញាក់ផ្អើល និងមិនគួរឱ្យជឿនោះ គឺមេជ្រូកមួយក្បាលកើតកូនមកជាកូនមនុស្សរហូតដល់៨ នៅស្រុកកោះធំ ខេត្តកណ្តាល។ ការផ្អើលនេះបន្ទាប់ពីមានការបាញ់ប្លូ៊ធូរូបភាពតាមទូរស័ព្ទដៃចំលងតៗគ្នាបង្ហាញពីមេជ្រូកដេកឱ្យកូនមនុស្ស៨នាក់ដេកតំរៀបគ្នាបៅដោះ។
តាមរយៈរូបភាពខាងលើនេះរឹតតែធ្វើឱ្យអ្នកដែលនិយាយមាត់វែងមាត់ខ្លីជឿជាក់ថា មានហេតុការណ៍មេជ្រូកកើតកូនមកជាកូនមនុស្សពិតប្រាកដមែន និងកំពុងក្លាយជាក្អែកមួយជាក្អែកដប់ ពិសេសធ្វើឱ្យមហាជននៅស្រុកកោះធំ និងស្រុកស្អាងច្រូលច្របល់ចង់ដឹងចង់ឃើញដោយផ្ទាល់ភ្នែកក៏តាមស្វែងរក។ រយៈពេលប៉ុន្មានថ្ងៃចុងក្រោយនេះ ព័ត៌មានបានល្បីដល់ស្រុកផ្សេងៗក្នុងខេត្ត និងរាជធានីភ្នំពេញផងដែរ។
តាមពិត គឺរូបភាពជ្រូកកូនមនុស្សមានពិតមែន ប៉ុន្តែហេតុការណ៍ពិតនោះគ្មានទេនៅក្នុងស្រុកកោះធំ និងស្រុកស្អាង ដែលរូបភាពនោះគឺជាការច្នៃប្រឌិតតាមកុំព្យូទ័រ កាត់តរូបភាពតាមបែបវិទ្យាសាស្ត្រទំនើប។
កាលពីថ្ងៃទី១៣ កុម្ភៈ អ្នកយកព័ត៌មានយើងបានទទួលទូរស័ព្ទគេប្រាប់ថា មានមេជ្រូកមួយក្បាលកើតមកមានកូនសុទ្ធតែកូនមនុស្សនៅភូមិព្រែកបិក ឃុំកោះធំ«ខ» ស្រុកកោះធំ។ ភ្លាមៗនោះអ្នកយកព័ត៌មានកោះសន្តិភាពបានទៅដល់ភូមិឃុំនោះ ហើយស្រាវជ្រាវសាកសួរប្រជាពលរដ្ឋ និងអាជ្ញាធរភូមិ ឃុំ ប៉ុន្តែមិនត្រូវបានគេរាយការណ៍ ឬអះអាងថា មាននោះឡើយ។ ក្រោយមកទៀតត្រូវបានគេរាយការណ៍ប្រាប់ថា រូបភាពមេជ្រូកកើតមកជាកូនមនុស្សនោះគឺត្រូវបានគេចែកគ្នាមើលនៅក្នុងទូរស័ព្ទដៃនៅភូមិព្រែកបិក ឃុំកោះធំ «ខ» ទៅវិញ។
ដូចនៅក្នុងរូបភាពនេះ ជាក់ស្តែងគឺមេជ្រូកមួយក្បាលមានទំងន់ប្រហែល១០០គីឡូក្រាម កំពុងដេកឱ្យកូនជាមនុស្សតំរៀបប្រជ្រៀតគ្នាបៅរដូករណែល។ កូនទាំង៨នេះ ដងខ្លួន ដៃជើងជាកូនមនុស្សសុទ្ធសាធតែម្តង។ តាមរយៈរូបភាពដែលគេបាញ់ចំលងតៗគ្នាតាមទូរស័ព្ទពីម្នាក់ទៅម្នាក់ទៀត រឹតតែធ្វើឱ្យព័ត៌មាននេះល្បីពីភូមិមួយទៅភូមិមួយ និងទៅស្រុក ខេត្តផ្សេងៗទៀតយ៉ាងឆាប់រហ័ស។ និយាយជារួមឱ្យតែរូបភាពនេះទៅដល់ណា គឺតែងល្បីថា ជ្រូកកើតកូនជាមនុស្សនៅទីនោះ។
អ្នកយកព័ត៌មានបានព្យាយាមរកទីកន្លែងដែលល្បីថា មានជ្រូកកើតមកជាកូនមនុស្សនេះ ប៉ុន្តែរកមិនឃើញឡើយ ហើយការសួរនាំទៅអាជ្ញាធរភូមិ ឃុំ ស្រុក និងសមត្ថកិច្ចត្រូវបានអះអាងថា ជាព័ត៌មានមិនពិត គឺគ្មានទេនៅក្នុងមូលដ្ឋានរបស់គាត់។ ប៉ុន្តែគេបានឃើញរូបភាពមេជ្រូកដេកឱ្យកូនមនុស្សបៅនៅក្នុងទូរស័ព្ទដៃពិតមែន ដែលគេចែកគ្នាមើល និងបាញ់រូបភាពនេះតៗគ្នា។
រហូតមកដល់ពេលនេះព័ត៌មានខាងលើបានដឹងឮដល់ប្រជាពលរដ្ឋស្ទើរតែទូទាំងប្រទេសផងដែរ ដែលល្បីថា ហេតុការណ៍ខាងលើកើតមាននៅក្នុងស្រុកកោះធំ។ ប៉ុន្តែ បើតាមការពិនិត្យមើលទៅលើរូបភាព គឺជាការច្នៃប្រឌិតតាមកុំព្យូទ័រ ទាំងស្រុងតែម្តង គ្មានហេតុការណ៍កើតនៅស្រុកកោះធំទេ៕
តាមរយៈរូបភាពខាងលើនេះរឹតតែធ្វើឱ្យអ្នកដែលនិយាយមាត់វែងមាត់ខ្លីជឿជាក់ថា មានហេតុការណ៍មេជ្រូកកើតកូនមកជាកូនមនុស្សពិតប្រាកដមែន និងកំពុងក្លាយជាក្អែកមួយជាក្អែកដប់ ពិសេសធ្វើឱ្យមហាជននៅស្រុកកោះធំ និងស្រុកស្អាងច្រូលច្របល់ចង់ដឹងចង់ឃើញដោយផ្ទាល់ភ្នែកក៏តាមស្វែងរក។ រយៈពេលប៉ុន្មានថ្ងៃចុងក្រោយនេះ ព័ត៌មានបានល្បីដល់ស្រុកផ្សេងៗក្នុងខេត្ត និងរាជធានីភ្នំពេញផងដែរ។
តាមពិត គឺរូបភាពជ្រូកកូនមនុស្សមានពិតមែន ប៉ុន្តែហេតុការណ៍ពិតនោះគ្មានទេនៅក្នុងស្រុកកោះធំ និងស្រុកស្អាង ដែលរូបភាពនោះគឺជាការច្នៃប្រឌិតតាមកុំព្យូទ័រ កាត់តរូបភាពតាមបែបវិទ្យាសាស្ត្រទំនើប។
កាលពីថ្ងៃទី១៣ កុម្ភៈ អ្នកយកព័ត៌មានយើងបានទទួលទូរស័ព្ទគេប្រាប់ថា មានមេជ្រូកមួយក្បាលកើតមកមានកូនសុទ្ធតែកូនមនុស្សនៅភូមិព្រែកបិក ឃុំកោះធំ«ខ» ស្រុកកោះធំ។ ភ្លាមៗនោះអ្នកយកព័ត៌មានកោះសន្តិភាពបានទៅដល់ភូមិឃុំនោះ ហើយស្រាវជ្រាវសាកសួរប្រជាពលរដ្ឋ និងអាជ្ញាធរភូមិ ឃុំ ប៉ុន្តែមិនត្រូវបានគេរាយការណ៍ ឬអះអាងថា មាននោះឡើយ។ ក្រោយមកទៀតត្រូវបានគេរាយការណ៍ប្រាប់ថា រូបភាពមេជ្រូកកើតមកជាកូនមនុស្សនោះគឺត្រូវបានគេចែកគ្នាមើលនៅក្នុងទូរស័ព្ទដៃនៅភូមិព្រែកបិក ឃុំកោះធំ «ខ» ទៅវិញ។
ដូចនៅក្នុងរូបភាពនេះ ជាក់ស្តែងគឺមេជ្រូកមួយក្បាលមានទំងន់ប្រហែល១០០គីឡូក្រាម កំពុងដេកឱ្យកូនជាមនុស្សតំរៀបប្រជ្រៀតគ្នាបៅរដូករណែល។ កូនទាំង៨នេះ ដងខ្លួន ដៃជើងជាកូនមនុស្សសុទ្ធសាធតែម្តង។ តាមរយៈរូបភាពដែលគេបាញ់ចំលងតៗគ្នាតាមទូរស័ព្ទពីម្នាក់ទៅម្នាក់ទៀត រឹតតែធ្វើឱ្យព័ត៌មាននេះល្បីពីភូមិមួយទៅភូមិមួយ និងទៅស្រុក ខេត្តផ្សេងៗទៀតយ៉ាងឆាប់រហ័ស។ និយាយជារួមឱ្យតែរូបភាពនេះទៅដល់ណា គឺតែងល្បីថា ជ្រូកកើតកូនជាមនុស្សនៅទីនោះ។
អ្នកយកព័ត៌មានបានព្យាយាមរកទីកន្លែងដែលល្បីថា មានជ្រូកកើតមកជាកូនមនុស្សនេះ ប៉ុន្តែរកមិនឃើញឡើយ ហើយការសួរនាំទៅអាជ្ញាធរភូមិ ឃុំ ស្រុក និងសមត្ថកិច្ចត្រូវបានអះអាងថា ជាព័ត៌មានមិនពិត គឺគ្មានទេនៅក្នុងមូលដ្ឋានរបស់គាត់។ ប៉ុន្តែគេបានឃើញរូបភាពមេជ្រូកដេកឱ្យកូនមនុស្សបៅនៅក្នុងទូរស័ព្ទដៃពិតមែន ដែលគេចែកគ្នាមើល និងបាញ់រូបភាពនេះតៗគ្នា។
រហូតមកដល់ពេលនេះព័ត៌មានខាងលើបានដឹងឮដល់ប្រជាពលរដ្ឋស្ទើរតែទូទាំងប្រទេសផងដែរ ដែលល្បីថា ហេតុការណ៍ខាងលើកើតមាននៅក្នុងស្រុកកោះធំ។ ប៉ុន្តែ បើតាមការពិនិត្យមើលទៅលើរូបភាព គឺជាការច្នៃប្រឌិតតាមកុំព្យូទ័រ ទាំងស្រុងតែម្តង គ្មានហេតុការណ៍កើតនៅស្រុកកោះធំទេ៕
No comments:
Post a Comment