ដោយ សួន សុផលមុន្នី
2011-02-17
មន្ត្រីរដ្ឋាភិបាលខ្មែរបានថ្លែងថា ប្រទេសថៃ នៅថ្ងៃទី១៧ ខែកុម្ភៈ ឆ្នាំ២០១១នេះ បានចាប់ធ្វើសមយុទ្ធយោធា បាញ់គ្រាប់កាំភ្លើងពិតនៅតាមតំបន់ព្រំដែន នៅខេត្តស្រះកែវ និងខេត្តចាន់បូរី ក្នុងទឹករបស់ខ្លួន ជាប់ព្រំដែនខ្មែរ ក្នុងខេត្តបាត់ដំបង និងខេត្តប៉ៃលិន ប្រទេសកម្ពុជា។លោកឧត្ដមសេនីយ៍ ឌី ភេន នាយការិយាល័យទំនាក់ទំនងព្រំដែនកម្ពុជា-ថៃ បានមានប្រសាសន៍នៅថ្ងៃព្រហស្បតិ៍ ទី១៧ ខែកុម្ភៈថា ក្រុមការងារទំនាក់ទំនងព្រំដែនថៃ បានជូនដំណឹងមកភាគីកម្ពុជា ជុំវិញការធ្វើសមយុទ្ធយោធានៅតំបន់ព្រំដែនខ្លះ ជាប់ព្រំដែនប្រទេសកម្ពុជា។
លោក ឌី ភេន បានមានប្រសាសន៍បញ្ជាក់ថា សមយុទ្ធយោធារបស់កងទ័ពថៃ ដែលមានការចូលរួមពីប្រទេសបារាំង ផងនោះ ចាប់ផ្តើមធ្វើពីថ្ងៃទី១៧ រហូតដល់ថ្ងៃទី២០ ខែកុម្ភៈ ឆ្នាំ២០១១ នៅតំបន់ព្រំដែនក្នុងខេត្តស្រះកែវ និងខេត្តចាន់បូរីនោះ នឹងធ្វើការបាញ់គ្រាប់កាំភ្លើងនៅក្នុងទឹកដីថៃ ដែលមានចម្ងាយប្រមាណ ១៥គីឡូម៉ែត្រពីព្រំដែនប្រទេសកម្ពុជា។
លោកបន្តទៀតថា ៖ «ដោយឡែកប្រជាពលរដ្ឋនៅតាមចំណុចទាំងអស់ហ្នឹង គាត់ពុំមានការព្រួយបារម្ភអីទេ ពីព្រោះគេធ្វើនៅឆ្ងាយដែរ ហើយប្រជាពលរដ្ឋខ្លះមិនដឹងផង ព្រោះនៅ ១៥គីឡូម៉ែត្រ វាមិនជិតទេ»។
អភិបាលខេត្តប៉ៃលិន លោក អ៊ី ឈាន បានមានប្រសាសន៍ថា នៅតំបន់ព្រំដែនក្នុងខេត្តចាន់បូរី ប្រទេសថៃ ជាប់ព្រំដែនខេត្តប៉ៃលិន ប្រទេសកម្ពុជា កងទាហានឈុតខ្មៅថៃ ក៏មានការធ្វើសមយុទ្ធយោធាដូចគ្នា ៖ «អាហ្នឹងមិនមែនទេ អាហ្នឹងគេហៅថា សមយុទ្ធពស់វែកមាស នៅឆ្ងាយទេ...។ សមយុទ្ធនេះ គឺជាទាហានប្រចាំតំបន់របស់វាបាញ់គ្រាប់ពិតកន្លែងគេ។ មានកាំភ្លើង ១០៥ កាំភ្លើងត្បាល់ ៨២ កាំភ្លើង ៨១ ហើយនិងកាំភ្លើង ១២,៧»។
ការធ្វើសមយុទ្ធយោធារបស់កងទាហានថៃ បានកើតមានឡើងជាច្រើនលើកច្រើនសា និងនៅក្រោយពីកងទ័ពប្រទេសថៃ បានច្បាំងគ្នាជាមួយកងទ័ពរដ្ឋាភិបាលកម្ពុជា ចាប់តាំងពីថ្ងៃទី១៥ ខែកក្កដា ឆ្នាំ២០០៨ រហូតមកដល់ដើមឆ្នាំ២០១១ ថ្មីៗនេះ នៅតំបន់ប្រាសាទព្រះវិហារ ដោយសារជម្លោះព្រំដែន។
សមយុទ្ធខាងផ្នែកយោធារបស់ភាគីថៃ ត្រូវបានអ្នកសង្កេតការណ៍ខ្លះមើលឃើញថា ជាការបង្ហាញសាច់ដុំខាងផ្នែកយោធា។ ទោះយ៉ាងណា ប្រទេសកម្ពុជា បច្ចុប្បន្នបានកំពុងស្វះស្វែងរកកិច្ចឈប់បាញ់គ្នារវាងកងទ័ពប្រទេសទាំងពីរ កម្ពុជា-ថៃ ជាស្ថាពរ និងអចិន្ត្រៃយ៍។
នៅក្នុងបទអន្តរាគមន៍កាលពីព្រឹកថ្ងៃព្រហស្បតិ៍ ទី១៧ ខែកុម្ភៈ នៅឯទីក្រុងភ្នំពេញ លោក ហ៊ុន សែន នាយករដ្ឋមន្ត្រីខ្មែរបានប្រកាសស្វាគមន៍ឲ្យបណ្ដាលប្រទេសអាស៊ាន បញ្ជូនកងកម្លាំងចុះទៅត្រួតពិនិត្យបទឈប់បាញ់គ្នានៅតំបន់ព្រំដែនខ្មែរ-ថៃ ដែលមានជម្លោះ។
ការថ្លែងរបស់នាយករដ្ឋមន្ត្រីខ្មែរ គឺបានធ្វើឡើងនៅគ្រាដែលទាហានថៃ នៅតែបន្តលួចឆ្មក់វាយប្រហារមកលើកងទ័ពកម្ពុជា ៖ «សូម្បីតែយប់ម្សិលមិញ (១៥ កុម្ភៈ) បាញ់អត់ឈប់ ហើយមកចោទកម្ពុជា អាគប់គ្រាប់បែកទៅវាត្រឡប់ចូលបន្ទាយខ្លួនឯងរបួស ក៏កំហុសរបស់កម្ពុជា បើអ៊ីចឹងត្រូវមានបែបបទឈប់បាញ់គ្នាដែលកម្ពុជា ស្នើមាន ៤ចំណុច»។
សេចក្ដីព្រាងទាំង ៤ចំណុច ដែលលោកនាយករដ្ឋមន្ត្រី ហ៊ុន សែន នឹងដាក់ជូនទៅក្នុងកិច្ចប្រជុំរដ្ឋមន្ត្រីការបរទេសអាស៊ាន នៅថ្ងៃទី២២ ខែកុម្ភៈ ខាងមុខនេះ គឺទី១ កម្ពុជា-ថៃ ព្រមព្រៀងគ្នាឈប់បាញ់គ្នាជាស្ថាពរ និងអចិន្ត្រៃយ៍ ទី២ រក្សាស្ថានភាពដដែលនៃទីតាំងឈរជើងនៃកងកម្លាំងរៀងៗខ្លួន មិនចល័តកម្លាំង មិនបំពានគ្នា រង់ចាំរហូតមានដំណោះស្រាយជាស្ថាពរលើការបោះបង្គោលព្រំដែន ទី៣ លើកទឹកចិត្តឲ្យភាគីទាំងពីរ កម្ពុជា-ថៃ ឲ្យមេបញ្ជាការជួរមុខសហការគ្នាដើម្បីរក្សាស្ថិរភាពតាមព្រំដែន និងទី៤ ដើម្បីធានាប្រសិទ្ធភាពនៃបទឈប់បាញ់គ្នា ភាគីទាំងពីរស្នើឲ្យមានការត្រួតពិនិត្យបទឈប់បាញ់ដោយបណ្ដាប្រទេសអាស៊ាន៕
លោក ឌី ភេន បានមានប្រសាសន៍បញ្ជាក់ថា សមយុទ្ធយោធារបស់កងទ័ពថៃ ដែលមានការចូលរួមពីប្រទេសបារាំង ផងនោះ ចាប់ផ្តើមធ្វើពីថ្ងៃទី១៧ រហូតដល់ថ្ងៃទី២០ ខែកុម្ភៈ ឆ្នាំ២០១១ នៅតំបន់ព្រំដែនក្នុងខេត្តស្រះកែវ និងខេត្តចាន់បូរីនោះ នឹងធ្វើការបាញ់គ្រាប់កាំភ្លើងនៅក្នុងទឹកដីថៃ ដែលមានចម្ងាយប្រមាណ ១៥គីឡូម៉ែត្រពីព្រំដែនប្រទេសកម្ពុជា។
លោកបន្តទៀតថា ៖ «ដោយឡែកប្រជាពលរដ្ឋនៅតាមចំណុចទាំងអស់ហ្នឹង គាត់ពុំមានការព្រួយបារម្ភអីទេ ពីព្រោះគេធ្វើនៅឆ្ងាយដែរ ហើយប្រជាពលរដ្ឋខ្លះមិនដឹងផង ព្រោះនៅ ១៥គីឡូម៉ែត្រ វាមិនជិតទេ»។
អភិបាលខេត្តប៉ៃលិន លោក អ៊ី ឈាន បានមានប្រសាសន៍ថា នៅតំបន់ព្រំដែនក្នុងខេត្តចាន់បូរី ប្រទេសថៃ ជាប់ព្រំដែនខេត្តប៉ៃលិន ប្រទេសកម្ពុជា កងទាហានឈុតខ្មៅថៃ ក៏មានការធ្វើសមយុទ្ធយោធាដូចគ្នា ៖ «អាហ្នឹងមិនមែនទេ អាហ្នឹងគេហៅថា សមយុទ្ធពស់វែកមាស នៅឆ្ងាយទេ...។ សមយុទ្ធនេះ គឺជាទាហានប្រចាំតំបន់របស់វាបាញ់គ្រាប់ពិតកន្លែងគេ។ មានកាំភ្លើង ១០៥ កាំភ្លើងត្បាល់ ៨២ កាំភ្លើង ៨១ ហើយនិងកាំភ្លើង ១២,៧»។
ការធ្វើសមយុទ្ធយោធារបស់កងទាហានថៃ បានកើតមានឡើងជាច្រើនលើកច្រើនសា និងនៅក្រោយពីកងទ័ពប្រទេសថៃ បានច្បាំងគ្នាជាមួយកងទ័ពរដ្ឋាភិបាលកម្ពុជា ចាប់តាំងពីថ្ងៃទី១៥ ខែកក្កដា ឆ្នាំ២០០៨ រហូតមកដល់ដើមឆ្នាំ២០១១ ថ្មីៗនេះ នៅតំបន់ប្រាសាទព្រះវិហារ ដោយសារជម្លោះព្រំដែន។
សមយុទ្ធខាងផ្នែកយោធារបស់ភាគីថៃ ត្រូវបានអ្នកសង្កេតការណ៍ខ្លះមើលឃើញថា ជាការបង្ហាញសាច់ដុំខាងផ្នែកយោធា។ ទោះយ៉ាងណា ប្រទេសកម្ពុជា បច្ចុប្បន្នបានកំពុងស្វះស្វែងរកកិច្ចឈប់បាញ់គ្នារវាងកងទ័ពប្រទេសទាំងពីរ កម្ពុជា-ថៃ ជាស្ថាពរ និងអចិន្ត្រៃយ៍។
នៅក្នុងបទអន្តរាគមន៍កាលពីព្រឹកថ្ងៃព្រហស្បតិ៍ ទី១៧ ខែកុម្ភៈ នៅឯទីក្រុងភ្នំពេញ លោក ហ៊ុន សែន នាយករដ្ឋមន្ត្រីខ្មែរបានប្រកាសស្វាគមន៍ឲ្យបណ្ដាលប្រទេសអាស៊ាន បញ្ជូនកងកម្លាំងចុះទៅត្រួតពិនិត្យបទឈប់បាញ់គ្នានៅតំបន់ព្រំដែនខ្មែរ-ថៃ ដែលមានជម្លោះ។
ការថ្លែងរបស់នាយករដ្ឋមន្ត្រីខ្មែរ គឺបានធ្វើឡើងនៅគ្រាដែលទាហានថៃ នៅតែបន្តលួចឆ្មក់វាយប្រហារមកលើកងទ័ពកម្ពុជា ៖ «សូម្បីតែយប់ម្សិលមិញ (១៥ កុម្ភៈ) បាញ់អត់ឈប់ ហើយមកចោទកម្ពុជា អាគប់គ្រាប់បែកទៅវាត្រឡប់ចូលបន្ទាយខ្លួនឯងរបួស ក៏កំហុសរបស់កម្ពុជា បើអ៊ីចឹងត្រូវមានបែបបទឈប់បាញ់គ្នាដែលកម្ពុជា ស្នើមាន ៤ចំណុច»។
សេចក្ដីព្រាងទាំង ៤ចំណុច ដែលលោកនាយករដ្ឋមន្ត្រី ហ៊ុន សែន នឹងដាក់ជូនទៅក្នុងកិច្ចប្រជុំរដ្ឋមន្ត្រីការបរទេសអាស៊ាន នៅថ្ងៃទី២២ ខែកុម្ភៈ ខាងមុខនេះ គឺទី១ កម្ពុជា-ថៃ ព្រមព្រៀងគ្នាឈប់បាញ់គ្នាជាស្ថាពរ និងអចិន្ត្រៃយ៍ ទី២ រក្សាស្ថានភាពដដែលនៃទីតាំងឈរជើងនៃកងកម្លាំងរៀងៗខ្លួន មិនចល័តកម្លាំង មិនបំពានគ្នា រង់ចាំរហូតមានដំណោះស្រាយជាស្ថាពរលើការបោះបង្គោលព្រំដែន ទី៣ លើកទឹកចិត្តឲ្យភាគីទាំងពីរ កម្ពុជា-ថៃ ឲ្យមេបញ្ជាការជួរមុខសហការគ្នាដើម្បីរក្សាស្ថិរភាពតាមព្រំដែន និងទី៤ ដើម្បីធានាប្រសិទ្ធភាពនៃបទឈប់បាញ់គ្នា ភាគីទាំងពីរស្នើឲ្យមានការត្រួតពិនិត្យបទឈប់បាញ់ដោយបណ្ដាប្រទេសអាស៊ាន៕
No comments:
Post a Comment