ថ្ងៃ ព្រហស្បតិ៍ ទី ១៧ ខែ កុម្ភៈ ឆ្នាំ ២០១១
(រូបថត ជលធា)
យុវសិស្សចំនួន៣នាក់ត្រូវឪពុក ម្តាយក្មេងស្រីអាយុ១៤ឆ្នាំ ប្តឹងចោទប្រកាន់ពីបទរំលោភសេពសន្ថវៈ
រាជធានីភ្នំពេញ ៖ យុវសិស្សចំនួន៣នាក់ត្រូវឪពុក ម្តាយក្មេងស្រីអាយុ១៤ឆ្នាំ ប្តឹងចោទប្រកាន់ពីបទរំលោភសេពសន្ថវៈ ហើយចាប់ខ្លួនកាលពីវេលាម៉ោង៨ និង៣០នាទីព្រឹក ថ្ងៃទី១៦ ខែកុម្ភៈ នៅផ្ទះសំណាក់ស៊ីធី ក្នុងសង្កាត់ស្រះចក ខណ្ឌដូនពេញ។ យុវសិស្សទាំង៣នាក់នោះអះអាងថា ពួកគេមិនបានចាប់រំលោភទេ គឺនាងបានឯកភាពយល់ព្រមឱ្យពួកគេរួមរ័កម្តងម្នាក់ ហើយថែមទាំងចេញប្រាក់ថ្លៃជួលផ្ទះសំណាក់ឱ្យទៀតផង។
សមត្ថកិច្ចខណ្ឌឫស្សីកែវនិយាយថា ទោះបីមានការឯកភាពយល់ព្រមយ៉ាងណាក៏ដោយយុវសិស្សទាំងនោះ ត្រូវមានទោស ព្រោះរួមភេទជាមួយក្មេងស្រីជាអនីតិជនអាយុក្រោម១៥ឆ្នាំ និងត្រូវឪពុក ម្តាយនាងប្តឹងទៀត។ យុវសិស្ស៣នាក់នោះ សមត្ថកិច្ចឱ្យដឹងថា ១-ឈ្មោះអ៊ុន សុបិន ហៅលុច អាយុ២០ឆ្នាំ ជាសិស្សថ្នាក់ទី១២ វិទ្យាល័យវត្តភ្នំ រស់នៅផ្ទះលេខ២៦៩ ផ្លូវជាតិលេខ៥ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ, ២-ឈ្មោះពិន មនោចិត្រា អាយុ២៣ឆ្នាំ ជាសិស្សថ្នាក់ទី១១ នៅវិទ្យាល័យឫស្សីកែវ រស់នៅផ្ទះលេខ៣៥៨ ផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ, ៣-ឈ្មោះសៀក ធារ៉ា អាយុ១៨ឆ្នាំ ជាសិស្សថ្នាក់ទី១២ វិទ្យាល័យជា ស៊ីម ចំរើនរដ្ឋ មានទីលំនៅផ្ទះលេខ១១៣១ផ្លូវជាតិលេខ៥ ភូមិខI សង្កាត់ច្រាំងចំរេះទី២ ខណ្ឌឫស្សីកែវ។
តាមពាក្យបណ្តឹងរបស់ឪពុកក្មេងស្រីនោះរស់នៅសង្កាត់ច្រាំងចំរេះទី២ ឱ្យដឹងថា កាលពីយប់ថ្ងៃទី១៥ ខែកុម្ភៈ ឈ្មោះសៀក ធារ៉ា រួមទាំងបក្សពួកបានលួងលោមកូនស្រីរបស់គាត់ទៅ ដើរលេង ហើយបានដឹកយកទៅផ្ទះសំណាក់ស៊ីធីចាប់រំលោភសេពសន្ថវៈម្នាក់ម្តង។ ទោះជាយ៉ាងណាក្តី យុវសិស្សឈ្មោះសៀក ធារ៉ា ឱ្យដឹងថា នៅវេលាម៉ោង៥ល្ងាច ថ្ងៃទី១៥ ខែកុម្ភៈ នាងដ.ណបានទូរស័ព្ទហៅរូបគេដើរលេងដោយមានមិត្តភក្តិស្រីរបស់នាងម្នាក់ទៀតទៅជាមួយដែរ។ មុនពេលដើរលេងរូបគេ និងនាងដែលទើបស្គាល់២ទៅ៣ថ្ងៃ និងមិត្តភក្តិរបស់នាងម្នាក់ទៀតបានជួលបន្ទប់ផ្ទះសំណាក់មានគ្រែ១ទុករួចហើយ។ នៅពេលជួបជុំគ្នា ហើយមិត្តភក្តិរបស់នាងដ.ណបានប្រាប់ឱ្យហៅមិត្តភក្តិ២នាក់ទៀតមកដើរលេងផងដូច្នេះហើយទើបរូបគេទូរស័ព្ទទៅឈ្មោះអ៊ុន សុបិន និងពិន មនោចិត្រា មកផ្ទះសំណាក់ស៊ីធី ។ ពេលនោះពួកគេបានប្តូរបន្ទប់ផ្ទះសំណាក់យកបន្ទប់គ្រែ២វិញ ព្រោះមានគ្នារហូតដល់៥នាក់ គឺស្រី២នាក់ ប្រុស៣នាក់។ ចំណែកថ្លៃបន្ទប់គឺនាងដ.ណជាអ្នកចេញ ហើយពួកគេបានរួមរ័កនឹងគ្នាយ៉ាងសុខសាន្ត ៕
No comments:
Post a Comment