ថ្ងៃ ព្រហស្បតិ៍ ទី ១៧ ខែ កុម្ភៈ ឆ្នាំ ២០១១
រូបភាពពីវ៉េបសាយ
មនុស្សយ៉ាងហោចណាស់១២នាក់ បានស្លាប់បាត់បង់ជីវិត
មនុស្សយ៉ាងហោចណាស់១២នាក់ បានស្លាប់បាត់បង់ជីវិតនៅពេលទូកទេសចរណ៍មួយគ្រឿងរបស់វៀតណាមលិចនៅដែនទឹកហាឡុង កាលពីព្រឹកថ្ងៃទី១៧ កុម្ភៈ ។ នេះបើតាមការឱ្យដឹងដោយមន្ត្រីនានារបស់វៀតណាម ។ លោក Ngo Van Hung នាយកផ្នែករៀបចំតំបន់កំសាន្តហាឡុង ឱ្យដឹងថា ជនរងគ្រោះក្នុងហេតុការណ៍លិចទូកនោះគឺ១១នាក់ជាជនបរទេសមកពីសហរដ្ឋអាមេរិក អង់គ្លេស ជប៉ុន និងបារាំង និងម្នាក់ទៀតជនជាតិវៀតណាម ធ្វើការជាអ្នកនាំភ្ញៀវទេសចរ ។ សាកសពជនរងគ្រោះត្រូវបានដឹកទៅកាន់មន្ទីរពេទ្យប្រចាំតំបន់នោះដើម្បីកំណត់អត្តសញ្ញាណ ។ ទោះបីជាបែបណា គេមិនទាន់ដឹងច្បាស់ពីមូលហេតុដែលនាំឱ្យលិចទូកនោះនៅឡើយ ៕
No comments:
Post a Comment