ដោយ គឹម ពៅ
2011-02-23
ប្រភពពីសហគមន៍អ្នកការពារព្រៃឈើបានអះអាងថា តំណាងអ្នកភូមិប្រហែល ៤០០នាក់ នៅខេត្តកំពង់ធំ ព្រះវិហារ ក្រចេះ និងស្ទឹងត្រែង បាននាំគ្នាដើរសំដៅចូលទៅក្នុងព្រៃឡង់ចំនួន ២ថ្ងៃមកហើយ មកដល់ថ្ងៃពុធ ទី២៣ ខែកុម្ភៈ ដើម្បីរារាំងក្រុមហ៊ុន CRCK របស់វៀតណាម មិនឲ្យកាប់បំផ្លាញព្រៃឡង់។ លោក គង់ ឆាយា តំណាងសហគមន៍អ្នកការពារព្រៃឈើ នៅឃុំរៀបរយ ស្រុករវៀង ខេត្តព្រះវិហារ បានអះអាងថា អ្នកភូមិបានសម្រាកនៅក្នុងព្រៃកាលពីយប់ថ្ងៃអង្គារ កន្លងទៅ និងបានបន្តដំណើរខិតចូលជិតទីតាំងរបស់ក្រុមហ៊ុនហើយ ប៉ុន្តែត្រូវបានកម្លាំងប្រដាប់អាវុធគំរាមបាញ់ជាច្រើនគ្រាប់។
លោកបន្តទៀតថា ៖ «ប៉ូលិសក្រុមហ៊ុនគេកាត់ផ្លូវទៅ គេបើកកាំភ្លើងអាម៉េ បើកសោភ្ជង់ ហើយគំរាមកំហែងអត់ឲ្យចូលកន្លែងក្រុមហ៊ុន។ ក្រុមខ្ញុំសាកសួររកច្បាប់រកអីទៅ ក្រុមហ៊ុននេះអត់មានអីទេ ដល់ព្រឹកឡើងវាបើកសោបាញ់ ៣គ្រាប់»។
តំណាងសហគមន៍អ្នកការពារព្រៃឈើ នៅខេត្តកំពង់ធំ លោក ស៊ឹម សឿន បានថ្លែងថា ក្រុមអ្នកភូមិដែលរងនូវការប៉ះទង្គិចដោយសារតែការបំផ្លាញព្រៃឡង់ នៅខេត្តកំពង់ធំ ព្រះវិហារ ស្ទឹងត្រែង និងខេត្តក្រចេះ បានធ្វើដំណើរពីតំបន់របស់ខ្លួនរៀងៗខ្លួន សំដៅចូលទៅចំណុចកណ្ដាលនៃកន្លែងកាប់បំផ្លាញនោះ។ លោកបានបន្តទៀតថា ក្រុមអ្នកដឹកស្បៀងអាហារត្រូវបានប៉ូលិសរារាំងមិនឲ្យចូលទៅជិត អ្នកតវ៉ានៅក្នុងព្រៃទេ ហើយប៉ូលិសក៏បានរារាំងអ្នកតវ៉ាចេញពីព្រៃផងដែរ សូម្បីការស្វែងរកទឹកអូរដើម្បីទទួលទាន។
តំណាងសហគមន៍អ្នកការពារព្រៃឈើនៅក្នុងខេត្តកំពង់ធំ រូបនេះបានបញ្ជាក់ថា ពួកគេនឹងមិនលះបង់ការទាមទារនោះទេ ហើយកំពុងត្រៀមដាក់ពាក្យបណ្ដឹងទៅលោកនាយករដ្ឋមន្ត្រីក្នុងពេលឆាប់ នេះ បើសិនជាមិនមានការបញ្ឈប់ការបំផ្លាញព្រៃឡង់នោះទេ ៖ «ចង់ ឲ្យអាជ្ញាធរចុះមកដោះស្រាយ ហើយឲ្យប្រធានក្រុមហ៊ុនចូលរួមដោះស្រាយដើម្បីបញ្ឈប់ការឈូសឆាយនៅ ព្រៃស្រោងហ្នឹង។ តស៊ូរហូតដល់មានដំណោះស្រាយ មិនបញ្ឈប់ត្រឹមហ្នឹងទេ...»។
អភិបាលរងខេត្តកំពង់ធំ លោក អ៊ុត សំអន មានប្រសាសន៍ថា មន្ត្រីស្រុកបានចូលទៅតំបន់នោះដើម្បីពិនិត្យការតវ៉ារបស់អ្នក ភូមិ ៖ «ហើយយើងនឹងពិនិត្យសំណូមពរ តើសំណូមពរនោះវាសមស្របយ៉ាងណា ហើយយើងនឹងទៅជួបពួកគាត់វិញ។ ក្នុងការទៅជួបពួកគាត់វិញ យើងចង់ឲ្យពួកគាត់ជ្រើសរើសតំណាង ដោយសារតែពួកគាត់ឡើងមកពីច្រើនខេត្ត អ៊ីចឹងចង់ឲ្យមានតំណាង ហើយយកសំណូមពរ និងឆន្ទៈហ្នឹងមកជួបជាមួយអាជ្ញាធរមានសមត្ថកិច្ចយើង»។
ព្រៃឡង់គឺជាព្រៃធំក្រាស់ចុងក្រោយរបស់កម្ពុជា ដែលមានព្រំប្រទល់ភ្ជាប់ខេត្តចំនួន៤ គឺខេត្តក្រចេះ ស្ទឹងត្រែង ព្រះវិហារ និងកំពង់ធំ។ អ្នកភូមិចំនួន ២ម៉ឺនគ្រួសារដែលភាគច្រើនជាជនជាតិភាគតិច បានរស់អាស្រ័យផលដោយសារព្រៃនេះ ដូចជាការរកជ័រ និងរកវល្លិជាដើម។ ប៉ុន្តែមកដល់ពេលនេះ ប្រភពពីអ្នកភូមិបានឲ្យដឹងថា ការឈូសឆាយដើម្បីដាំដើមកៅស៊ូរបស់ក្រុមហ៊ុន CRCK បានធ្វើឡើងនៅលើតំបន់ស្នូលរបស់ព្រៃឡង់ចំនួន ៨គីឡូម៉ែត្របួនជ្រុងហើយ។
តំណាងសហគមន៍នៅខេត្តកំពង់ធំ លោក ស៊ឹម សៀន បន្ថែមថា ដើមឈើធំៗដែលជាច្បោះ និងជ័រទឹករបស់អ្នកភូមិអាស្រ័យផល ត្រូវបានបំផ្លាញចំនួន ៣០០ដើម ហើយក្រុមហ៊ុននោះបានដាក់ម៉ាស៊ីនអារឈើនៅទីនោះផងដែរ និងមានការដឹកឈើប្រណិតចេញពីព្រៃទាំងថ្ងៃទាំងយប់ក្នុងរយៈពេល ៤ខែនេះ៕
លោកបន្តទៀតថា ៖ «ប៉ូលិសក្រុមហ៊ុនគេកាត់ផ្លូវទៅ គេបើកកាំភ្លើងអាម៉េ បើកសោភ្ជង់ ហើយគំរាមកំហែងអត់ឲ្យចូលកន្លែងក្រុមហ៊ុន។ ក្រុមខ្ញុំសាកសួររកច្បាប់រកអីទៅ ក្រុមហ៊ុននេះអត់មានអីទេ ដល់ព្រឹកឡើងវាបើកសោបាញ់ ៣គ្រាប់»។
តំណាងសហគមន៍អ្នកការពារព្រៃឈើ នៅខេត្តកំពង់ធំ លោក ស៊ឹម សឿន បានថ្លែងថា ក្រុមអ្នកភូមិដែលរងនូវការប៉ះទង្គិចដោយសារតែការបំផ្លាញព្រៃឡង់ នៅខេត្តកំពង់ធំ ព្រះវិហារ ស្ទឹងត្រែង និងខេត្តក្រចេះ បានធ្វើដំណើរពីតំបន់របស់ខ្លួនរៀងៗខ្លួន សំដៅចូលទៅចំណុចកណ្ដាលនៃកន្លែងកាប់បំផ្លាញនោះ។ លោកបានបន្តទៀតថា ក្រុមអ្នកដឹកស្បៀងអាហារត្រូវបានប៉ូលិសរារាំងមិនឲ្យចូលទៅជិត អ្នកតវ៉ានៅក្នុងព្រៃទេ ហើយប៉ូលិសក៏បានរារាំងអ្នកតវ៉ាចេញពីព្រៃផងដែរ សូម្បីការស្វែងរកទឹកអូរដើម្បីទទួលទាន។
តំណាងសហគមន៍អ្នកការពារព្រៃឈើនៅក្នុងខេត្តកំពង់ធំ រូបនេះបានបញ្ជាក់ថា ពួកគេនឹងមិនលះបង់ការទាមទារនោះទេ ហើយកំពុងត្រៀមដាក់ពាក្យបណ្ដឹងទៅលោកនាយករដ្ឋមន្ត្រីក្នុងពេលឆាប់ នេះ បើសិនជាមិនមានការបញ្ឈប់ការបំផ្លាញព្រៃឡង់នោះទេ ៖ «ចង់ ឲ្យអាជ្ញាធរចុះមកដោះស្រាយ ហើយឲ្យប្រធានក្រុមហ៊ុនចូលរួមដោះស្រាយដើម្បីបញ្ឈប់ការឈូសឆាយនៅ ព្រៃស្រោងហ្នឹង។ តស៊ូរហូតដល់មានដំណោះស្រាយ មិនបញ្ឈប់ត្រឹមហ្នឹងទេ...»។
អភិបាលរងខេត្តកំពង់ធំ លោក អ៊ុត សំអន មានប្រសាសន៍ថា មន្ត្រីស្រុកបានចូលទៅតំបន់នោះដើម្បីពិនិត្យការតវ៉ារបស់អ្នក ភូមិ ៖ «ហើយយើងនឹងពិនិត្យសំណូមពរ តើសំណូមពរនោះវាសមស្របយ៉ាងណា ហើយយើងនឹងទៅជួបពួកគាត់វិញ។ ក្នុងការទៅជួបពួកគាត់វិញ យើងចង់ឲ្យពួកគាត់ជ្រើសរើសតំណាង ដោយសារតែពួកគាត់ឡើងមកពីច្រើនខេត្ត អ៊ីចឹងចង់ឲ្យមានតំណាង ហើយយកសំណូមពរ និងឆន្ទៈហ្នឹងមកជួបជាមួយអាជ្ញាធរមានសមត្ថកិច្ចយើង»។
ព្រៃឡង់គឺជាព្រៃធំក្រាស់ចុងក្រោយរបស់កម្ពុជា ដែលមានព្រំប្រទល់ភ្ជាប់ខេត្តចំនួន៤ គឺខេត្តក្រចេះ ស្ទឹងត្រែង ព្រះវិហារ និងកំពង់ធំ។ អ្នកភូមិចំនួន ២ម៉ឺនគ្រួសារដែលភាគច្រើនជាជនជាតិភាគតិច បានរស់អាស្រ័យផលដោយសារព្រៃនេះ ដូចជាការរកជ័រ និងរកវល្លិជាដើម។ ប៉ុន្តែមកដល់ពេលនេះ ប្រភពពីអ្នកភូមិបានឲ្យដឹងថា ការឈូសឆាយដើម្បីដាំដើមកៅស៊ូរបស់ក្រុមហ៊ុន CRCK បានធ្វើឡើងនៅលើតំបន់ស្នូលរបស់ព្រៃឡង់ចំនួន ៨គីឡូម៉ែត្របួនជ្រុងហើយ។
តំណាងសហគមន៍នៅខេត្តកំពង់ធំ លោក ស៊ឹម សៀន បន្ថែមថា ដើមឈើធំៗដែលជាច្បោះ និងជ័រទឹករបស់អ្នកភូមិអាស្រ័យផល ត្រូវបានបំផ្លាញចំនួន ៣០០ដើម ហើយក្រុមហ៊ុននោះបានដាក់ម៉ាស៊ីនអារឈើនៅទីនោះផងដែរ និងមានការដឹកឈើប្រណិតចេញពីព្រៃទាំងថ្ងៃទាំងយប់ក្នុងរយៈពេល ៤ខែនេះ៕
No comments:
Post a Comment