ថ្ងៃ ព្រហស្បតិ៍ ទី ២៤ ខែ កុម្ភៈ ឆ្នាំ ២០១១
(រូបថត ថ្មកែវ)
បុរសរំលោភមេជ្រូកទើបចេញពីគុកត្រូវបានប៉ូលិសចាប់ខ្លួនជាថ្មី
ខេត្តពោធិ៍សាត់ ៖ បុរសម្នាក់ដែលគេស្គាល់ថា ធ្លាប់ខូចសីលធម៌ជាមួយមេជ្រូក ហើយត្រូវម្ចាស់ជ្រូកឃើញទាន់រាយការណ៍ប្រាប់ប៉ូលិសឱ្យឃាត់ខ្លួន នោះ ទើបតែចេញពីគុកបានប៉ុន្មានខែសោះ ឥឡូវនេះត្រូវសមត្ថកិច្ចឃាត់ខ្លួនរុញបញ្ចូលគុកវិញពីបទបង្ក ហិង្សាទៅលើអ្នកដទៃ និងប្រព្រឹត្តអំពើចោរកម្ម។
លោកអនុសេនីយ៍ទោ ប៉ិច ស៊ីផាន់ នាយប៉ុស្តិ៍រដ្ឋបាលផ្ទះព្រៃឱ្យដឹងថា បុរសកំហូចរូបនេះឈ្មោះនួន សុខរ៉ា ភេទប្រុស អាយុ២៥ឆ្នាំ រស់នៅភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ ត្រូវឃាត់ខ្លួនតាមពាក្យបណ្តឹងរបស់ស្ត្រី ឈ្មោះ ស៊ន ជី អាយុ៥៧ឆ្នាំ រស់នៅភូមិចំការចេកខាងជើង ត្រូវជាម្តាយធំរបស់ជនសង្ស័យ។ ស្ត្រីរូបនេះបានរៀបរាប់ថា កាលពីថ្ងៃទី ២៣ កុម្ភៈ ២០១១ ចន្លោះពីម៉ោង៤ទៅម៉ោង៥ទៀបភ្លឺ ឈ្មោះសុខរ៉ា បានលួចយកកាបូបរបស់គាត់ដែលដាក់នៅក្បែរខ្លួន ខណៈពេលកំពុងដេកលក់។ ក្នុងកាបូបមានលុយដុល្លារចំនួន៦៨០ដុល្លារ លុយខ្មែរ៧០.០០០រៀល និងសៀវភៅរាប់លុយមួយក្បាលផង។ ការដេកទុកដាក់កាបូបក្បែរខ្លួននេះដោយសារផ្ទះរបស់គាត់រុះរើ ធ្វើថ្មីហើយដេកនៅ បណ្តោះអាសន្នដោយពុំមានទ្វារ ឬបន្ទប់ទេ។
បន្ទាប់ពីទទួលពាក្យបណ្តឹងភ្លាម សមត្ថកិច្ចក៏បានធ្វើការឃាត់ខ្លួនឈ្មោះសុខរ៉ានេះតែម្តង។ លោកនាយប៉ុស្តិ៍ឱ្យដឹងថា ប៉ុន្មានថ្ងៃមុនមានប្រជាពលរដ្ឋប្តឹងពីឈ្មោះសុខ រ៉ា នេះពីបទវាយបង្ករបួសស្នាមទៅលើអ្នកដទៃ និងឆបោកម៉ូតូរបស់គេមួយគ្រឿងយកទៅបាត់ដែលសមត្ថកិច្ចកំពុងតាម រក។ ប៉ុន្តែមិនទាន់រកឃើញផងស្រាប់តែជននេះមកប្រព្រឹត្តអំពើចោរកម្ម លួចលុយម្តាយធំទើបឃាត់ខ្លួនបាននាពេលនេះ។ សមត្ថកិច្ចរកឃើញលុយ៦៨០ដុល្លារ ៧០.០០០រៀល និងសៀវភៅរាប់លុយប្រគល់ឱ្យម្ចាស់ដើមវិញ។ នៅចំពោះមុខសមត្ថកិច្ចសុខរ៉ាបានសារភាពថា ខ្លួនពិតជាបានលួចលុយម្តាយធំឈ្មោះស៊ន ជី ពិតប្រាកដមែន។ ចំណែកម៉ូតូមួយគ្រឿងដែលឆបោកពីមិត្តភក្តិនោះ ខ្លួនបានយកទៅលក់នៅឯភ្នំពេញ។ ពេលលួចលុយម្តាយធំបាននាពេលនេះបំរុងទៅភ្នំពេញទៀត ប៉ុន្តែមិនទាន់ភ្លឺផងស្រាប់តែប៉ូលិសមកដល់ល្មម។
លោកអនុសេនីយ៍ឯក ម៉ែន សុវណ្ណា អធិការរងនគរបាលក្រុងពោធិ៍សាត់ទទួលបន្ទុកយុត្តិធម៌ឱ្យដឹងថា ឈ្មោះសុខរ៉ា នេះការសិក្សាមានកំរិតទាបបំផុតកន្លងមកដើរតែបង្កបញ្ហាវាយបង្ក របួសស្នាមទៅលើអ្នកដទៃ និងប្រព្រឹត្តអំពើចោរកម្ម។ មិនតែប៉ុណ្ណោះកាលពីឆ្នាំ២០១០ កន្លងទៅនេះ ជននេះបានប្រព្រឹត្តអំពើអគតិរំលោភមេជ្រូកល្បីពេញខេត្តពោធិ៍សាត់ ទៀតផង ។
កាលពីថ្ងៃ អង្គារ ទី ១២ ខែ មករា ឆ្នាំ ២០១០
- យុវជនកំហូចរំលោភមេជ្រូកប៉ូលិសចាប់ខ្លួននិងចោទប្រកាន់លើបទល្មើសចំនួន២ករណីទៀត
ខេត្ដពោធិ៍សាត់ ៖ ជនដាច់ដាបរំលោភ មេជ្រូកផើមពីរខែដែលរត់គេចខ្លួន ឥឡូវសមត្ថកិច្ចឃាត់ខ្លួនបានហើយ ដោយសារជននេះទៅវាយបង្ករបួសស្នាម និងប្រព្រឹត្ដអំពើចោរកម្មក្នុងភូមិបន្ដទៀត ។ លោកអនុសេនីយ៍ទោ ប៉ិច ស៊ីផាន់ នាយប៉ុស្ដិ៍រដ្ឋបាលផ្ទះព្រៃឱ្យដឹងថា ជនរំលោភមេ ជ្រូកនេះឈ្មោះនួន សុខរ៉ា ភេទប្រុស អាយុ ១៨ឆ្នាំ មានទីលំនៅភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ ឃាត់ខ្លួននៅ ថ្ងៃទី១០ មករា ២០១០ វេលាម៉ោង៧និង ២០នាទីព្រឹក ខណៈពេលលបលួចចូលមកសម្ងំពួនក្នុងផ្ទះ ។ ការឃាត់ខ្លួនបានធ្វើឡើង តាមដើមបណ្ដឹងចំនួន៣ ទី១-ករណីរំលោភ មេជ្រូក និងលួចនំធុងរបស់ស្ដ្រីឈ្មោះខុន សារ៉ាន់ អាយុ៤០ឆ្នាំ កាលពីថ្ងៃទី៦ មករា វេលាម៉ោង៣រសៀល។ ទី២-តាមពាក្យ បណ្ដឹងរបស់ជនរងគ្រោះឈ្មោះចាន់ វណ្ណៈ ហៅពន្លក ភេទប្រុស អាយុ២២ឆ្នាំ ដែលចោទប្រកាន់ពីបទវាយបង្ករបួសស្នាមនៅម្ដុំ វត្ដពាលញែក កាលពីថ្ងៃទី៧ មករា វេលា ម៉ោង១១យប់ និងទី៣-តាមពាក្យបណ្ដឹង របស់ឈ្មោះង៉ែត សុវុន ភេទប្រុស អាយុ៣០ ឆ្នាំ នៅភូមិចំការចេកខាងជើងដូចគ្នាពីបទ លួចស្រូវមួយបាវ ។
លោក ប៉ិច ស៊ីផាន់ មាន ប្រសាសន៍ថា ជនរំលោភមេជ្រូកនេះជាមុខ សញាសេពគ្រឿងញៀនផង ប៉ុន្ដែលើកនេះ ក្រោមចំណាត់ការរបស់លោកវរសេនីយ៍ត្រី ប៊ិន វណ្ណា អធិការនគរបាលក្រុងពោធិ៍សាត់ ដែលលោកបានរឹតបន្ដឹងយ៉ាងម៉ឺងម៉ាត់ក្នុង ការបង្ក្រាបក្មេងទំនើង ចោរកម្ម ការវាយបង្ក របួសស្នាមផ្សេងៗ និងគ្រឿងញៀន ដើម្បីការពារសន្ដិសុខសណ្ដាប់ធ្នាប់សង្គមជូនប្រជាពលរដ្ឋក្នុងក្រុង នោះ ទើបមិនឱ្យជនដែលបានប្រព្រឹត្ដបទល្មើសគេចផុតពីសំណាញ់សមត្ថកិច្ច ឡើយ ។ នៅចំពោះមុខសមត្ថកិច្ច ជនសង្ស័យបានសារភាពថា ខ្លួនគេពិតជាបានរំលោភមេជ្រូក លួចស្រូវ និងបង្ករបួសស្នាមពិតប្រាកដមែន។ គេបានប្រាប់ថា រូបគេខូចខ្លួនចេះជក់ថ្នាំញៀន រយៈពេល២ខែនេះ គឺតាមគូកនឈ្មោះរ៉ាន់ ឈ្មោះសេង និងឈ្មោះវី ហើយថ្នាំញៀនទាំងនោះទិញពីឈ្មោះវ៉ាន់ សំអុល ហៅក្រងៀង ប្រពន្ធឈ្មោះណារី នៅភូមិចំការចេកខាងជើង ។
ចំណែកឈ្មោះសិទ្ធិ រ៉ាវី ផ្ទះនៅខាងត្បូងផ្សារចាស់ ភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ក៏ជាអ្នកចែកចាយ និង ជក់ថ្នាំញៀនជាមួយខ្លួនដែរ ហើយការចែកចាយច្រើនធ្វើឡើងនៅម្ដុំកោះតៃវ៉ាន់ សង្កាត់ ព្រៃញី ដែលនៅទីនោះជាសម្បុកគ្រឿង ញៀនកន្លងមក ។ ដោយសារតែការខូចខ្លួន ចេះជក់ថ្នាំញៀនតាមមិត្ដភក្ដិនេះហើយ ទើបធ្វើឱ្យរូបគេចេះប្រព្រឹត្ដអំពើចោរកម្ម ដើម្បីយកលុយទិញថ្នាំញៀន ហ៊ានវាយអ្នកដទៃ ដោយគ្មានខ្លាចញញើត មិនតែប៉ុណ្ណោះទៅរំលោភមេជ្រូកធ្វើឱ្យមានកេរ្ដិ៍ឈ្មោះអសោច ថែមទៀត ដោយសារថ្នាំញៀនអូសទាញ ។ ដូច្នេះសូមមិត្ដភក្ដិបងប្អូនដែលមិនទាន់ធ្លាក់ ក្នុងអន្លង់គ្រឿងញៀនសូមដើរចេញឱ្យឆ្ងាយ កុំឱ្យជ្រុលខ្លួនដូចរូបគេ ។ នេះជាបំណងល្អ របស់ជនរំលោភមេជ្រូក មុនពេលរៀបចំខ្លួនចូលពន្ធនាគារ ៕
លោក ប៉ិច ស៊ីផាន់ មាន ប្រសាសន៍ថា ជនរំលោភមេជ្រូកនេះជាមុខ សញាសេពគ្រឿងញៀនផង ប៉ុន្ដែលើកនេះ ក្រោមចំណាត់ការរបស់លោកវរសេនីយ៍ត្រី ប៊ិន វណ្ណា អធិការនគរបាលក្រុងពោធិ៍សាត់ ដែលលោកបានរឹតបន្ដឹងយ៉ាងម៉ឺងម៉ាត់ក្នុង ការបង្ក្រាបក្មេងទំនើង ចោរកម្ម ការវាយបង្ក របួសស្នាមផ្សេងៗ និងគ្រឿងញៀន ដើម្បីការពារសន្ដិសុខសណ្ដាប់ធ្នាប់សង្គមជូនប្រជាពលរដ្ឋក្នុងក្រុង នោះ ទើបមិនឱ្យជនដែលបានប្រព្រឹត្ដបទល្មើសគេចផុតពីសំណាញ់សមត្ថកិច្ច ឡើយ ។ នៅចំពោះមុខសមត្ថកិច្ច ជនសង្ស័យបានសារភាពថា ខ្លួនគេពិតជាបានរំលោភមេជ្រូក លួចស្រូវ និងបង្ករបួសស្នាមពិតប្រាកដមែន។ គេបានប្រាប់ថា រូបគេខូចខ្លួនចេះជក់ថ្នាំញៀន រយៈពេល២ខែនេះ គឺតាមគូកនឈ្មោះរ៉ាន់ ឈ្មោះសេង និងឈ្មោះវី ហើយថ្នាំញៀនទាំងនោះទិញពីឈ្មោះវ៉ាន់ សំអុល ហៅក្រងៀង ប្រពន្ធឈ្មោះណារី នៅភូមិចំការចេកខាងជើង ។
ចំណែកឈ្មោះសិទ្ធិ រ៉ាវី ផ្ទះនៅខាងត្បូងផ្សារចាស់ ភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ក៏ជាអ្នកចែកចាយ និង ជក់ថ្នាំញៀនជាមួយខ្លួនដែរ ហើយការចែកចាយច្រើនធ្វើឡើងនៅម្ដុំកោះតៃវ៉ាន់ សង្កាត់ ព្រៃញី ដែលនៅទីនោះជាសម្បុកគ្រឿង ញៀនកន្លងមក ។ ដោយសារតែការខូចខ្លួន ចេះជក់ថ្នាំញៀនតាមមិត្ដភក្ដិនេះហើយ ទើបធ្វើឱ្យរូបគេចេះប្រព្រឹត្ដអំពើចោរកម្ម ដើម្បីយកលុយទិញថ្នាំញៀន ហ៊ានវាយអ្នកដទៃ ដោយគ្មានខ្លាចញញើត មិនតែប៉ុណ្ណោះទៅរំលោភមេជ្រូកធ្វើឱ្យមានកេរ្ដិ៍ឈ្មោះអសោច ថែមទៀត ដោយសារថ្នាំញៀនអូសទាញ ។ ដូច្នេះសូមមិត្ដភក្ដិបងប្អូនដែលមិនទាន់ធ្លាក់ ក្នុងអន្លង់គ្រឿងញៀនសូមដើរចេញឱ្យឆ្ងាយ កុំឱ្យជ្រុលខ្លួនដូចរូបគេ ។ នេះជាបំណងល្អ របស់ជនរំលោភមេជ្រូក មុនពេលរៀបចំខ្លួនចូលពន្ធនាគារ ៕
No comments:
Post a Comment