ដោយ យន់ សាមៀន
2011-02-18
នាយករដ្ឋមន្រ្តីកម្ពុជា និងថៃ បានសម្ដែងភាពផ្ទុយគ្នាជុំវិញការបង្កើតឲ្យមានបទឈប់បាញ់គ្នាមួយ ជាបន្ទាន់ ដើម្បីធានាថា ការផ្ទុះអាវុធរវាងកងទ័ពនៃប្រទេសទាំងពីរនឹងត្រូវបញ្ចប់ជា បន្ទាន់ និងអចិន្ត្រៃយ៍។
កងទ័ពកម្ពុជា ត្រៀមប្រយុទ្ធនៅតំបន់ជិតប្រាសាទព្រះវិហារ រូបថតថ្ងៃទី៩ ខែកុម្ភៈ ឆ្នាំ២០១១។ កងទ័ពកម្ពុជា និងថៃ បានប៉ះទង្គិចគ្នាកាលពីថ្ងៃទី៤ ដល់ថ្ងៃទី៧ ខែកុម្ភៈ ឆ្នាំ២០១១ នៅតំបន់ក្បែរប្រាសាទព្រះវិហារ។
ការសម្ដែងការមិនចុះសម្រុងគ្នានេះ ធ្វើឡើងក្រោយពីលោក ហ៊ុន សែន នាយករដ្ឋមន្ត្រីកម្ពុជា កាលពីថ្ងៃព្រហស្បតិ៍ ទី១៧ ខែកុម្ភៈ បានស្នើឲ្យថៃ ព្រមទទួលយកកិច្ចឈប់បាញ់គ្នាមួយក្នុងកិច្ចប្រជុំរបស់សមាជិក អាស៊ានចំនួន ១០ប្រទេស ដែលនឹងប្រព្រឹត្តទៅនៅថ្ងៃទី២២ ខែកុម្ភៈ សប្ដាហ៍ក្រោយនេះ។
លោក ហ៊ុន សែន មានបំណងចង់ឲ្យប្រធានអាស៊ាន និងជារដ្ឋមន្ត្រីការបរទេសឥណ្ឌូណេស៊ី ធ្វើជាសាក្សីនៃកិច្ចព្រមព្រៀងបទឈប់បាញ់គ្នានេះ។ ប៉ុន្តែនាយករដ្ឋមន្ត្រីថៃ លោក អាភីស៊ិត វេតឆាឈីវ៉ាក់ (Abhisit Vejjajiva) បដិសេធមិនទទួលយកសំណើរបស់លោក ហ៊ុន សែន ដោយអះអាងថា បទឈប់បាញ់គ្នានេះវាមិនចាំបាច់។
លោក អាភីស៊ិត បន្ថែមទៀតថា សម្រាប់ពេលនេះមិនមែនជាពេលវេលាពិភាក្សាគ្នារឿងបទឈប់បាញ់នោះទេ ហើយកិច្ចចរចាជាលក្ខណៈទ្វេភាគី ត្រូវតែចាប់ផ្ដើមដោយមានអាស៊ាន ជាអ្នកសម្របសម្រួល។
គម្រោងបង្កើតឲ្យមានកិច្ចព្រមព្រៀងឈប់បាញ់គ្នាជាអចិន្ត្រៃយ៍មួយ រវាងកងទ័ពកម្ពុជា និងថៃ គឺស្នើឡើងដោយក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃទី១៤ ខែកុម្ភៈ ដោយសុំឲ្យភាគីទាំងសងខាងត្រូវរក្សាភាពអត់ធ្មត់។
សំណើឲ្យបញ្ឈប់ការផ្ទុះអាវុធនេះ គឺក្រោយពីមានការពើបប្រយុទ្ធគ្នារវាងកងទ័ពខ្មែរ និងថៃ ចំនួន ៤ថ្ងៃ កាលពីដើមខែកុម្ភៈ រួចមក ប៉ុន្តែការផ្ទុះអាវុធនេះ បានកើតឡើងជាថ្មីម្ដងទៀត កាលពីថ្ងៃទី១៥ ខែកុម្ភៈ៕
លោក ហ៊ុន សែន មានបំណងចង់ឲ្យប្រធានអាស៊ាន និងជារដ្ឋមន្ត្រីការបរទេសឥណ្ឌូណេស៊ី ធ្វើជាសាក្សីនៃកិច្ចព្រមព្រៀងបទឈប់បាញ់គ្នានេះ។ ប៉ុន្តែនាយករដ្ឋមន្ត្រីថៃ លោក អាភីស៊ិត វេតឆាឈីវ៉ាក់ (Abhisit Vejjajiva) បដិសេធមិនទទួលយកសំណើរបស់លោក ហ៊ុន សែន ដោយអះអាងថា បទឈប់បាញ់គ្នានេះវាមិនចាំបាច់។
លោក អាភីស៊ិត បន្ថែមទៀតថា សម្រាប់ពេលនេះមិនមែនជាពេលវេលាពិភាក្សាគ្នារឿងបទឈប់បាញ់នោះទេ ហើយកិច្ចចរចាជាលក្ខណៈទ្វេភាគី ត្រូវតែចាប់ផ្ដើមដោយមានអាស៊ាន ជាអ្នកសម្របសម្រួល។
គម្រោងបង្កើតឲ្យមានកិច្ចព្រមព្រៀងឈប់បាញ់គ្នាជាអចិន្ត្រៃយ៍មួយ រវាងកងទ័ពកម្ពុជា និងថៃ គឺស្នើឡើងដោយក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃទី១៤ ខែកុម្ភៈ ដោយសុំឲ្យភាគីទាំងសងខាងត្រូវរក្សាភាពអត់ធ្មត់។
សំណើឲ្យបញ្ឈប់ការផ្ទុះអាវុធនេះ គឺក្រោយពីមានការពើបប្រយុទ្ធគ្នារវាងកងទ័ពខ្មែរ និងថៃ ចំនួន ៤ថ្ងៃ កាលពីដើមខែកុម្ភៈ រួចមក ប៉ុន្តែការផ្ទុះអាវុធនេះ បានកើតឡើងជាថ្មីម្ដងទៀត កាលពីថ្ងៃទី១៥ ខែកុម្ភៈ៕
No comments:
Post a Comment