ថ្ងៃ ព្រហស្បតិ៍ ទី ២៤ ខែ កុម្ភៈ ឆ្នាំ ២០១១
(រូបថត អរុណ)
ការដកហូតដីធ្វើជាសម្បត្តិរដ្ឋបង្កឱ្យគ្រួសារយោធា និងពលរដ្ឋតវ៉ា
ខេត្តបន្ទាយមានជ័យ ៖ គ្រួសារយោធា និងប្រជាពលរដ្ឋជិត១០០គ្រួសារស្ថិតក្នុងភូមិស្នួលទ្រេត ឃុំអូរបីជាន់ ស្រុកអូរជ្រៅនៅព្រឹកថ្ងៃទី២៣ កុម្ភៈ បានលើកគ្នាទៅឈរតាមក្បាលដីរបស់ខ្លួនខាងក្រោយភូមិដើម្បីតវ៉ា ចំពោះគណៈកម្មការចម្រុះមួយដែលមានអាជ្ញាធរចាប់ពីឃុំរហូតដល់ ខេត្ត រួមទាំងមេព្រៃដែលទៅវាស់វែងបោះបង្គោលយកដីពួកគាត់ក្នុងបំណង ដកហូតទុកជាសម្បត្តិរដ្ឋ តែពួកគាត់អះអាងថា ដីទាំងនេះពួកគាត់បានកាន់កាប់ និងធ្វើស្រែចំការតាំងពីឆ្នាំ១៩៩៣មកម្ល៉េះ ។
ប្រជាពលរដ្ឋ និងយោធាដែលលើកគ្នាចាំត្រៀមតវ៉ាចំពោះគណៈកម្មការចម្រុះបាននិយាយ ថា នៅថ្ងៃទី២២ កុម្ភៈ គណៈកម្មការមួយក្រុមនេះបានទៅបោះបង្គោលចំលើដីពួកគាត់អស់រួច ទៅហើយ ទើបនៅថ្ងៃទី២៣ កុម្ភៈ ពួកគាត់ត្រៀមចាំតវ៉ាសុំយកដីមកវិញដើម្បីបង្កបង្កើនផល ព្រោះឮថា គណៈកម្មការមួយក្រុមនេះនឹងមកនៅថ្ងៃទី២៣ កុម្ភៈ ទៀត។ ក្រុមអ្នកតវ៉ាមួយចំនួនជាយោធា ហើយខ្លះជាជនពិការ។
ពួក គាត់បន្តថា មុនការចុះវាស់វែងបោះបង្គោលនេះ គឺនៅថ្ងៃទី ១៧ កុម្ភៈ គណៈកម្មការបានហៅពួកគាត់ឱ្យចូលរួមប្រជុំ ហើយប្រាប់ថា នឹងមិនធ្វើឱ្យប៉ះពាល់ដល់ដីពួកគាត់ទេ លុះពេលទៅវាស់វែងបែរជាគណៈកម្មការវាស់យកដីពួកគាត់ទាំងអស់តែ ម្តង។ ដីទាំងនេះពួកគាត់ទទួលបានពីការបែងចែករបស់អង្គការ NPA ដែលសហការជាមួយស្ថាប័នអភិវឌ្ឍន៍ជនបទខេត្តតាំងពីឆ្នាំ២០០០មក ម្ល៉េះ និងមានលិខិតទទួលស្គាល់ពីអាជ្ញាធរឃុំយ៉ាងត្រឹមត្រូវ។ នៅ ឆ្នាំ២០០៦ មន្ត្រីរដ្ឋបាលព្រៃឈើប្រាប់ថា នឹងដកហូតយកដីទាំងនេះធ្វើជាសម្បត្តិរដ្ឋ ព្រោះប៉ះចំដីព្រៃឈើ។ ពួកគាត់បានកាន់កាប់ខ្លះ២ហិកតា ខ្លះ៣ហិកតា ដីខ្លះក៏មានរហូតដល់ទៅ៥ហិកតាតាមចំនួនសមាជិកតិច ឬច្រើន។
ពួក គាត់បន្តថា មុនការចុះវាស់វែងបោះបង្គោលនេះ គឺនៅថ្ងៃទី ១៧ កុម្ភៈ គណៈកម្មការបានហៅពួកគាត់ឱ្យចូលរួមប្រជុំ ហើយប្រាប់ថា នឹងមិនធ្វើឱ្យប៉ះពាល់ដល់ដីពួកគាត់ទេ លុះពេលទៅវាស់វែងបែរជាគណៈកម្មការវាស់យកដីពួកគាត់ទាំងអស់តែ ម្តង។ ដីទាំងនេះពួកគាត់ទទួលបានពីការបែងចែករបស់អង្គការ NPA ដែលសហការជាមួយស្ថាប័នអភិវឌ្ឍន៍ជនបទខេត្តតាំងពីឆ្នាំ២០០០មក ម្ល៉េះ និងមានលិខិតទទួលស្គាល់ពីអាជ្ញាធរឃុំយ៉ាងត្រឹមត្រូវ។ នៅ ឆ្នាំ២០០៦ មន្ត្រីរដ្ឋបាលព្រៃឈើប្រាប់ថា នឹងដកហូតយកដីទាំងនេះធ្វើជាសម្បត្តិរដ្ឋ ព្រោះប៉ះចំដីព្រៃឈើ។ ពួកគាត់បានកាន់កាប់ខ្លះ២ហិកតា ខ្លះ៣ហិកតា ដីខ្លះក៏មានរហូតដល់ទៅ៥ហិកតាតាមចំនួនសមាជិកតិច ឬច្រើន។
ប្រជាពលរដ្ឋបន្តថា ក្រោយការហាមប្រាមពី សំណាក់មន្ត្រីរដ្ឋបាលព្រៃឈើក្នុងឆ្នាំ២០០៦ និងការចេញដីកាដកហូតនោះ ពួកគាត់ប្រៀបបានទៅនឹងចោរទៅលួចភ្ជួររាស់លើដីខ្លួនឯងដើម្បី ក្រពះ ព្រោះគ្មានស្រែចំការ។ លោកតា នូ អួន អាយុ៧២ឆ្នាំ ជាជនពិការនិយាយថា ក្នុងពេលវាស់វែងបោះបង្គោលព្រំដីពីសំណាក់គណៈកម្មការចម្រុះមាន មន្ត្រីរដ្ឋបាលព្រៃឈើមួយរូបប្រាប់គាត់ថា ការសម្បទានដីដើម្បីពួកគាត់គ្មានលុយចូលរដ្ឋទេ ហើយថា បើធ្វើសម្បទានឱ្យក្រុមហ៊ុនទើបមានលុយចូលរដ្ឋ។
យោធាមួយរូបឈ្មោះលី ចាន់ អាយុ៣៩ឆ្នាំ នៅកងវរសេនាតូច២១៣នៃកងអនុសេនាធំគាំទ្រអះអាងថា គាត់មកជាតំណាងឱ្យយោធា១៦គ្រួសារដែលមានដី៦៨ហិកតានៅចំណុចកើត ហេតុ។ ក្រុមគ្រួសារយោធាពួកគាត់គឺសង្ឃឹមតែលើដីស្រែទាំងនេះដើម្បីដោះ ស្រាយក្នុងគ្រួសារនាពេលអនាគត តែបើគណៈកម្មការចម្រុះមួយក្រុមនេះយកដីពួកគាត់អស់តើឱ្យពួក គាត់សង្ឃឹមអ្វី។ ការចេញដីកាដកហូតដីពួកគាត់មិនឱ្យធ្វើស្រែចំការក្នុងឆ្នាំ ២០០៦នោះ គឺពុំមានយុត្តិធម៌ទាល់តែសោះ ព្រោះក្រុមហ៊ុនមួយចំនួនបែរជានៅតែមានដំណើរការឈូសឆាយយកដី ក្បែរៗកន្លែងដីពួកគាត់ដដែល។
ប្រជាពលរដ្ឋមួយចំនួននិយាយថា ការវាស់វែងបោះព្រំយកដីដើម្បីទុកជាសម្បត្តិរដ្ឋរបស់គណៈកម្មការ មួយក្រុមនេះ គឺមិនត្រឹមតែប៉ះដីស្រែចំការរបស់ពួកគាត់ទេ សូម្បីតែដីឡូត៍រស់នៅក៏ត្រូវប៉ះចំជាច្រើនគ្រួសារដែរ។ ទាក់ទិនរឿងនោះ លោកសួង មឿន មេឃុំអូរបីជាន់ប្រាប់កោះសន្តិភាពតាមទូរស័ព្ទថា ក្រោយរាជរដ្ឋាភិបាលប្រកាសឱ្យបង្កើតភូមិ-ឃុំ មកប្រជាពលរដ្ឋទាំងអស់នោះត្រូវបានបែងចែកដីពី មន្ទីរអភិវឌ្ឍន៍ជនបទខេត្តសហការជាមួយអង្គការដៃគូ NPA ក្រោយពេលដោះមីនរួចនៅឆ្នាំ១៩៩៧ ។ ការរស់នៅបានរបស់ប្រជាពលរដ្ឋ គឺទាល់តែមានស្រែចំការ។ ចំពោះលិខិតដីធ្លី គឺអាជ្ញាធរបានចេញឱ្យប្រជាពលរដ្ឋមុនពេលរដ្ឋចេញដីកាដកហូតដី ដែលប៉ះពាល់ជាមួយប្រជាពលរដ្ឋនេះ។
លោកមេឃុំបានលើកឡើងស្រដៀងនឹងការលើកឡើង របស់ប្រជាពលរដ្ឋ និងយោធាថា ការហាមឃាត់ដីចំណុចនេះមិនឱ្យប្រជាពលរដ្ឋធ្វើស្រែចំការ ក្រោយរដ្ឋចេញដីកាដកហូតនោះ គឺហាមតែភាគីប្រជាពលរដ្ឋប៉ុណ្ណោះ ឯភាគីក្រុមហ៊ុនសូចន្ធូ គឺនៅតែបន្តធ្វើដដែល ។ ក្រុមហ៊ុននោះទិញដីពីប្រជាពលរដ្ឋតែ៦១៩ហិកតាទេ ប៉ុន្តែពេលក្រុមហ៊ុនមួយនេះដាក់ពាក្យសុំដី កម្ចីសម្បទានរដ្ឋគឺធ្វើរហូតដល់ទៅ៣.៧៤៤ហិកតាដើម្បីបង្កើត ស្ថានីយស្តារព្រៃឈើ។ ស្ថានីយនេះនេះជារបស់ក្រុមហ៊ុនសូចន្ធូ និងក្រុមហ៊ុនហៃសួ។ ចំណែកឯលោកនៅ និល មន្ត្រីរដ្ឋបាលព្រៃឈើខេត្តប្រាប់តាមទូរស័ព្ទយ៉ាងខ្លីថា រដ្ឋបាលព្រៃឈើបោះបង្គោលអចិន្ត្រៃយ៍ទុកជាដីរបស់រដ្ឋតាមផែនទី ឆ្នាំ២០០២។ យោធានិងប្រជាពលរដ្ឋបានអំពាវនាវដល់សម្តេចតេជោ និងលោកជំទាវឱ្យជួយដល់ពួកគាត់បានទទួលដីបង្កបង្កើនផលវិញផង ៕
No comments:
Post a Comment