ដោយ វោហារ ជាតិ
2011-02-17
ទំនាស់ព្រំដែនរវាងប្រទេសថៃ និងកម្ពុជា បានធ្លាក់ដល់ដៃអាស៊ាន (ASEAN) ហើយនៅពេលនេះ។បន្ទាប់ពីភាគីកម្ពុជាបានប្ដឹងភាគីថៃ ទៅក្រុមប្រឹក្សាសន្តិសុខអង្គការសហប្រជាជាតិហើយមានការប្រកាសលទ្ធផល កាលពីថ្ងៃច័ន្ទទី១៤ កុម្ភៈ អំពីជម្លោះព្រំដែនគោកនោះមក ក្រុមប្រឹក្សាសន្តិសុខសហប្រជាជាតិ បានសម្រេចឲ្យភាគីកម្ពុជា-ថៃឈប់បាញ់គ្នាជាអចិន្ត្រៃយ៍ ហើយមិនបានដោះស្រាយទំនាស់នេះទេ បែរជាប្រគល់រឿងទំនាស់នេះទៅឲ្យសមាគមអាស៊ានដោះស្រាយវិញ។
ការជួបដោះស្រាយជម្លោះរវាងកម្ពុជា និងថៃថ្នាក់អាស៊ាននេះ នឹងត្រូវធ្វើឡើងនៅទីក្រុងហ្សាការតា (Jakarta) ប្រទេសឥណ្ឌូណេស៊ី នៅថ្ងៃទី២២ កុម្ភៈនេះហើយ ពោលគឺនៅសល់តែ៥ថ្ងៃទៀតតែប៉ុណ្ណោះដែល ភាគីទាំងពីរនឹងដឹងលទ្ធផលនៃការដោះស្រាយតាមកម្រិតថ្នាក់ដំបន់ អាស៊ានថា ភាគីខាងណាឈ្នះភាគីខាងណាចាញ់។
ទន្ទឹមពេលរង់ចាំថ្ងៃដោះស្រាយទំនាស់នេះ មានអ្នកវិភាគនយោបាយខ្មែរមួយចំនួនព្រួយបារម្ភខ្លាចភាគីកម្ពុជាមិនបានទទួលជោគជ័យក្នុងការតវ៉ានោះក្នុងដំណោះស្រាយអាស៊ាន ដោយបានផ្អែកកត្តាអវិជ្ជមាននៃគោលនយោបាយការបរទេសកម្ពុជាមួយចំនួនកន្លងមក នឹងប្រជាប្រិយភាពរបស់រដ្ឋាភិបាលកម្ពុជា និងថៃលើឆាកអន្តរជាតិ។
លោក ស៊ឺន ស៊ូបែរ ប្រធានមូលនិធិសម្ដេច សឺន សាន និងជាអតីតអ្នកនយោបាយខ្មែរ បានសម្ដែងសេចក្ដីព្រួយបារម្ភថា កន្លងមកប្រទេសកម្ពុជាបានធ្វើឲ្យមន្ត្រីអង្គការសហប្រជាជាតិអាក់អន់ចិត្តអំពីការគោរពសិទ្ធិមនុស្ស ហើយបើប្រៀបធៀបប្រទេសកម្ពុជាទៅប្រទេសថៃ គឺថា ប្រទេសជាសមាជិកអាស៊ានស្ទើរតែទាំងអស់បានទទួលផលប្រយោជន៍សេដ្ឋកិច្ចពីប្រទេសថៃច្រើនជាងកម្ពុជា ដែលជាហេតុអាចនាំឲ្យប្រទេសជាសមាជិកអាស៊ានមិនសូវយកចិត្តទុកដាក់ខាងភាគីកម្ពុជា ៖ «សូមអត់ទោសថ្មីៗនេះយើងមានរឿងជាមួយអង្គការសហប្រជាជាតិ ដល់អ៊ីចឹង! យើងត្រូវប្រើផ្លូវទូតឲ្យច្រើនបន្តិចរឿងទំនាក់ទំនងនឹង។ ហើយណាមួយទៀតស្រុកខ្លះគេមើលប្រយោជន៍របស់គេ ព្រោះគេមានប្រយោជន៍ជាមួយថៃច្រើនជាង ប្រហែលគេលំអៀងថៃហើយ»។
ទាក់ទងការគាំទ្រលើឆាកអន្តរជាតិវិញ លោក សឺន សូប៊ែរ បានបញ្ជាក់ថា ថៃអាចមានប្រៀបលើកម្ពុជាផងដែរ ៖ «ដូចនៅសន្តិសុខសហប្រជាជាតិនឹង វាមានប្រទេសច្រើននៅនឹង ជាពិសេស ពួកមហាអំណាចទាំង៥នឹង នៅក្នុងនឹងខាង បើយើងគិតទៅ ខាងសហរដ្ឋអាមេរិក ខាងអង់គ្លេស គឺចង់មិនចង់លំអៀងទៅថៃបាត់ហើយ លំអៀងទៅពីរនាក់ហើយ រវាង៥នាក់នឹង លំអៀងទៅថៃបាត់ហើយ ព្រោះមិត្តភ័ក្ដិគេចាស់»។
ចំណែកលោកបណ្ឌិត អុក វណ្ណា សាស្ត្រាចារ្យរាជបណ្ឌិតសភាកម្ពុជាមានប្រសាសន៍ថា ប្រហាក់ប្រហែលគ្នានេះដែរ ដោយលោកជឿជាក់ថា ថៃមានអាមេរិកគាំទ្រ មិនខុសប្រទេសជា សមាជិកមួយចំនួនទៀតដែលគាំទ្រដោយអាមេរិកដែរនោះទេ ដូចជាប្រទេស ហ្វីលីពិន ជាដើម ហើយប្រទេសទាំងនោះនឹងអាចគាំទ្រថៃ ព្រោះមាននិន្នាការនយោបាយប្រហាក់ប្រហែលគ្នា ហើយលោកមានជំនឿថា ដំណោះស្រាយក្នុងកម្រិតថ្នាក់តំបន់ មិនខុសពីកម្ពុជា និងថៃបានចរចាគ្នាអស់រយៈពេល ជាងពីរឆ្នាំមកហើយមិនបានលទ្ធផលអ្វីនោះទេ ហើយការបាញ់គ្នានឹងនៅតែកើតមានជាបន្តទៅទៀត លោកបានប្រៀបធៀបការគាំទ្ររបស់អាមេរិកចំពោះថៃមានទំនាស់ជាមួយកម្ពុជា ទៅនឹងសង្គ្រាមក្នុងឧបទ្វីបកូរ៉េ ដូច្នេះ ៖ «ដូចប្រទេសកូរ៉េអ៊ីចឹង នៅពេលដែលគ្រាន់តែមានការលើកឡើងរវាងកូរ៉េខាងត្បូង វាមានសមយុទ្ធយោធារវាងអាមេរិក នឹងកូរ៉េខាងត្បូងបាត់ទៅហើយ។ ហើយថ្មីៗនេះទៀតគ្រាន់តែមានបញ្ហាជាមួយកម្ពុជាហើយថៃ មិនទាន់បានប៉ុន្មានផង អាមេរិកធ្វើសមយុទ្ធជាមួយថៃ។ ដូច្នេះ ខ្ញុំឃើញថា នេះជាកិច្ចការមួយ ដែលខ្ញុំឃើញថា ជួនកាលសហប្រជាជាតិ ប្រទេសមហាអំណាចធំៗនៅមានគំនាប បើសិនទម្លាក់ឲ្យអាស៊ាន ខ្ញុំឃើញថា អាស៊ាននឹងទម្លាក់ឲ្យកម្ពុជាទ្វេភាគីដដែល»។
ចំណែកអ្នកវិភាគនយោបាយខ្លះទៀត បានព្រួយថា កម្ពុជាអាចចាញ់ភាគីថៃ បើដោះស្រាយទំនាស់នេះតាមយន្តការថ្នាក់អាស៊ាន ព្រោះថា ថ្នាក់ដឹកនាំសមាគមអាស៊ានបច្ចុប្បន្ន មានប្រពន្ធថៃ និងជាសញ្ជាតិថៃ ជាដើម ឧទាហរណ៍ ដូចជា លោក សូរិន ពិតសុវណ្ណ (Surin Pitsuwan) ជាអគ្គលេខាសមាគមអាស៊ានជាដើម ជាសញ្ជាតិថៃ។
ក៏ប៉ុន្តែលោកនាយករដ្ឋមន្ត្រី ហ៊ុន សែន មិនមានមន្ទិលសង្ស័យដូច្នេះ ហើយ លោកជឿជាក់ថា ថ្នាក់ដឹកនាំអាស៊ាន នឹងធ្វើការដោះស្រាយជម្លោះរវាងភាគីកម្ពុជានិងថៃដោយអាជីពមិនយកទឹកស្នេហាជាតិសាសន៍ឯងមកឡូកឡំទេ។ ថ្លែងនៅក្នុងសន្និសីទកាសែត នៅទីស្ដីការគណៈរដ្ឋមន្ត្រី ឬហៅថា វិមានសន្តិភាពនៅថ្ងៃទី១៧ កុម្ភៈនេះលោកបានអះអាងថា ៖ «ទាក់ទងទៅជាមួយនឹងបញ្ហាអគ្គលេខាធិការអាស៊ាន ប្រធានអាស៊ានត្រូវជាជាតិថៃ ឬមានប្រពន្ធថៃនោះ ខ្ញុំមិនជឿថា វាមិនដូច្នេះ ពេលនេះ ឯកឧត្ដម សូរិន ពិតសុវណ្ណ កំពុងពាក់ទង់ជាតិអាស៊ាន គាត់មិនអាចដើរចូលតុចរចាពាក់ទង់ជ័យថៃទេ។ គាត់ពាក់ទង់ជ័យអាស៊ាន ដូច្នេះគាត់ត្រូវបំពេញកាតព្វកិច្ចអាស៊ាន។ ឯចំពោះរដ្ឋមន្ត្រីការបរទេសឥណ្ឌូណេស៊ីខ្ញុំទុកចិត្តគាត់»។
ប្រទេសជាសមាជិកអាស៊ានរួមមានដូចជា ប្រទេសកម្ពុជា វៀតណាម លាវ ថៃ ភូមា ម៉ាឡេស៊ី ប្រ៊ុយណេ ឥណ្ឌូណេស៊ី ហ្វីលីព្ពីន សិង្ហបុរី។ មាត្រាទី៣១ នៃធម្មនុញ្ញអាស៊ាន ប្រទេសជាសមាជិកអាស៊ានហើយប្រធានសមាគមអាស៊ានក្នុងអាណត្តិនេះមួយឆ្នាំម្ដង តាមលំដាប់តួអក្សរដោយចាប់ផ្ដើមពីអក្សរបរទេស គឺអក្សរ A។ ហើយនៅឆ្នាំនេះដំណែងជាប្រធាន សមាគមអាស៊ាន គឺប្រទេសឥណ្ឌូណេស៊ី ហើយមានលោក ម៉ាទី ណាតាលីហ្គាវ៉ា (Maty Nataleygawa) ជាប្រធាន ហើយលោក សូរិន ពិតសុវណ្ណ (Surin Pitsuwan) ដែលជាជនជាតិថៃ កាន់ដំណែងជាអគ្គលេខាសមាគមអាស៊ាន។
ជម្លោះព្រំដែនរវាងប្រទេសកម្ពុជានិងថៃ បានចាប់ផ្ដើមនៅថ្ងៃទី១៥ កក្កដា ឆ្នាំ២០០៨ នៅពេលដែលភាគីថៃ បានលើកទ័ពចូលមកទឹកដីកម្ពុជា ក្បែរតំបន់ប្រាសាទព្រះវិហារ។ភាគីកម្ពុជា បានចោទថៃថា បានឈ្លានពានកម្ពុជា តែភាគីថៃបានឆ្លើយថា ទឹកដីមួយផ្នែកនៅក្បែរតំបន់ប្រសាទ ព្រះវិហារទំហំ ៤,៦ គ.ម ជារបស់ថៃ។ ភាគីជម្លោះទាំងពីរបានបាញ់ដាក់គ្នាជាបន្តបន្ទាប់ បណ្ដាលឲ្យទាហានទាំងសងខាងស្លាប់និងរបួស និងប្រជាជននៃប្រទេសទាងពីរ រាប់ពាន់អ្នកបានភៀសសឹកចោលភូមិស្ថាន។
ថ្លែងនៅក្នុងសន្និសីទកាសែត នៅទីស្ដីការគណៈរដ្ឋមន្ត្រី នៅថ្ងៃទី១៧ កុម្ភៈនេះ លោកនាយករដ្ឋមន្ត្រី បានលើកទឹកចិត្តឲ្យមេបញ្ជាការខ្មែរ-ថៃ តាមព្រំដែនជួបចរចា ឬពិភាក្សា និងលេងកីឡាជាមួយគ្នាជាមិត្តភាពឲ្យបានញឹកញាប់ដើម្បីបន្ធូរបរិយាកាសអមិត្តដាក់គ្នា ហើយលោកនាយករដ្ឋមន្ត្រី ថ្លែងថា លោកមានបំណងចង់ឃើញស្ថានការណ៍នៅតំបន់ព្រំដែន មានសន្តិភាពដូចមុនថ្ងៃ១៥ កក្កដា ឆ្នាំ២០០៨។
លោកនាយករដ្ឋមន្ត្រីនៃប្រទេសកម្ពុជាបានអំពាវនាវសុំឲ្យសមាជិកអាស៊ានមានបញ្ជូន អ្នកសង្កេតការណ៍ មកត្រួតពិនិត្យមើលការឈប់បាញ់គ្នានៅតំបន់ព្រំដែន កម្ពុជា-ថៃ ដែលកងទ័ពទាំងពីរកំពុងប្រឈមមុខដាក់គ្នាយ៉ាងតានតឹងនាពេលបច្ចុប្បន្ននេះ។ តែសំណើនេះត្រូវភាគីថៃទាត់ចោលភ្លាមៗដែរ ក្រោយពេលលោកនាយករដ្ឋមន្ត្រី ហ៊ុន សែន បានថ្លែងនៅក្នុងសន្និសីទកាសែតនៅក្រុងភ្នំពេញ៕
ការជួបដោះស្រាយជម្លោះរវាងកម្ពុជា និងថៃថ្នាក់អាស៊ាននេះ នឹងត្រូវធ្វើឡើងនៅទីក្រុងហ្សាការតា (Jakarta) ប្រទេសឥណ្ឌូណេស៊ី នៅថ្ងៃទី២២ កុម្ភៈនេះហើយ ពោលគឺនៅសល់តែ៥ថ្ងៃទៀតតែប៉ុណ្ណោះដែល ភាគីទាំងពីរនឹងដឹងលទ្ធផលនៃការដោះស្រាយតាមកម្រិតថ្នាក់ដំបន់ អាស៊ានថា ភាគីខាងណាឈ្នះភាគីខាងណាចាញ់។
ទន្ទឹមពេលរង់ចាំថ្ងៃដោះស្រាយទំនាស់នេះ មានអ្នកវិភាគនយោបាយខ្មែរមួយចំនួនព្រួយបារម្ភខ្លាចភាគីកម្ពុជាមិនបានទទួលជោគជ័យក្នុងការតវ៉ានោះក្នុងដំណោះស្រាយអាស៊ាន ដោយបានផ្អែកកត្តាអវិជ្ជមាននៃគោលនយោបាយការបរទេសកម្ពុជាមួយចំនួនកន្លងមក នឹងប្រជាប្រិយភាពរបស់រដ្ឋាភិបាលកម្ពុជា និងថៃលើឆាកអន្តរជាតិ។
លោក ស៊ឺន ស៊ូបែរ ប្រធានមូលនិធិសម្ដេច សឺន សាន និងជាអតីតអ្នកនយោបាយខ្មែរ បានសម្ដែងសេចក្ដីព្រួយបារម្ភថា កន្លងមកប្រទេសកម្ពុជាបានធ្វើឲ្យមន្ត្រីអង្គការសហប្រជាជាតិអាក់អន់ចិត្តអំពីការគោរពសិទ្ធិមនុស្ស ហើយបើប្រៀបធៀបប្រទេសកម្ពុជាទៅប្រទេសថៃ គឺថា ប្រទេសជាសមាជិកអាស៊ានស្ទើរតែទាំងអស់បានទទួលផលប្រយោជន៍សេដ្ឋកិច្ចពីប្រទេសថៃច្រើនជាងកម្ពុជា ដែលជាហេតុអាចនាំឲ្យប្រទេសជាសមាជិកអាស៊ានមិនសូវយកចិត្តទុកដាក់ខាងភាគីកម្ពុជា ៖ «សូមអត់ទោសថ្មីៗនេះយើងមានរឿងជាមួយអង្គការសហប្រជាជាតិ ដល់អ៊ីចឹង! យើងត្រូវប្រើផ្លូវទូតឲ្យច្រើនបន្តិចរឿងទំនាក់ទំនងនឹង។ ហើយណាមួយទៀតស្រុកខ្លះគេមើលប្រយោជន៍របស់គេ ព្រោះគេមានប្រយោជន៍ជាមួយថៃច្រើនជាង ប្រហែលគេលំអៀងថៃហើយ»។
ទាក់ទងការគាំទ្រលើឆាកអន្តរជាតិវិញ លោក សឺន សូប៊ែរ បានបញ្ជាក់ថា ថៃអាចមានប្រៀបលើកម្ពុជាផងដែរ ៖ «ដូចនៅសន្តិសុខសហប្រជាជាតិនឹង វាមានប្រទេសច្រើននៅនឹង ជាពិសេស ពួកមហាអំណាចទាំង៥នឹង នៅក្នុងនឹងខាង បើយើងគិតទៅ ខាងសហរដ្ឋអាមេរិក ខាងអង់គ្លេស គឺចង់មិនចង់លំអៀងទៅថៃបាត់ហើយ លំអៀងទៅពីរនាក់ហើយ រវាង៥នាក់នឹង លំអៀងទៅថៃបាត់ហើយ ព្រោះមិត្តភ័ក្ដិគេចាស់»។
ចំណែកលោកបណ្ឌិត អុក វណ្ណា សាស្ត្រាចារ្យរាជបណ្ឌិតសភាកម្ពុជាមានប្រសាសន៍ថា ប្រហាក់ប្រហែលគ្នានេះដែរ ដោយលោកជឿជាក់ថា ថៃមានអាមេរិកគាំទ្រ មិនខុសប្រទេសជា សមាជិកមួយចំនួនទៀតដែលគាំទ្រដោយអាមេរិកដែរនោះទេ ដូចជាប្រទេស ហ្វីលីពិន ជាដើម ហើយប្រទេសទាំងនោះនឹងអាចគាំទ្រថៃ ព្រោះមាននិន្នាការនយោបាយប្រហាក់ប្រហែលគ្នា ហើយលោកមានជំនឿថា ដំណោះស្រាយក្នុងកម្រិតថ្នាក់តំបន់ មិនខុសពីកម្ពុជា និងថៃបានចរចាគ្នាអស់រយៈពេល ជាងពីរឆ្នាំមកហើយមិនបានលទ្ធផលអ្វីនោះទេ ហើយការបាញ់គ្នានឹងនៅតែកើតមានជាបន្តទៅទៀត លោកបានប្រៀបធៀបការគាំទ្ររបស់អាមេរិកចំពោះថៃមានទំនាស់ជាមួយកម្ពុជា ទៅនឹងសង្គ្រាមក្នុងឧបទ្វីបកូរ៉េ ដូច្នេះ ៖ «ដូចប្រទេសកូរ៉េអ៊ីចឹង នៅពេលដែលគ្រាន់តែមានការលើកឡើងរវាងកូរ៉េខាងត្បូង វាមានសមយុទ្ធយោធារវាងអាមេរិក នឹងកូរ៉េខាងត្បូងបាត់ទៅហើយ។ ហើយថ្មីៗនេះទៀតគ្រាន់តែមានបញ្ហាជាមួយកម្ពុជាហើយថៃ មិនទាន់បានប៉ុន្មានផង អាមេរិកធ្វើសមយុទ្ធជាមួយថៃ។ ដូច្នេះ ខ្ញុំឃើញថា នេះជាកិច្ចការមួយ ដែលខ្ញុំឃើញថា ជួនកាលសហប្រជាជាតិ ប្រទេសមហាអំណាចធំៗនៅមានគំនាប បើសិនទម្លាក់ឲ្យអាស៊ាន ខ្ញុំឃើញថា អាស៊ាននឹងទម្លាក់ឲ្យកម្ពុជាទ្វេភាគីដដែល»។
ចំណែកអ្នកវិភាគនយោបាយខ្លះទៀត បានព្រួយថា កម្ពុជាអាចចាញ់ភាគីថៃ បើដោះស្រាយទំនាស់នេះតាមយន្តការថ្នាក់អាស៊ាន ព្រោះថា ថ្នាក់ដឹកនាំសមាគមអាស៊ានបច្ចុប្បន្ន មានប្រពន្ធថៃ និងជាសញ្ជាតិថៃ ជាដើម ឧទាហរណ៍ ដូចជា លោក សូរិន ពិតសុវណ្ណ (Surin Pitsuwan) ជាអគ្គលេខាសមាគមអាស៊ានជាដើម ជាសញ្ជាតិថៃ។
ក៏ប៉ុន្តែលោកនាយករដ្ឋមន្ត្រី ហ៊ុន សែន មិនមានមន្ទិលសង្ស័យដូច្នេះ ហើយ លោកជឿជាក់ថា ថ្នាក់ដឹកនាំអាស៊ាន នឹងធ្វើការដោះស្រាយជម្លោះរវាងភាគីកម្ពុជានិងថៃដោយអាជីពមិនយកទឹកស្នេហាជាតិសាសន៍ឯងមកឡូកឡំទេ។ ថ្លែងនៅក្នុងសន្និសីទកាសែត នៅទីស្ដីការគណៈរដ្ឋមន្ត្រី ឬហៅថា វិមានសន្តិភាពនៅថ្ងៃទី១៧ កុម្ភៈនេះលោកបានអះអាងថា ៖ «ទាក់ទងទៅជាមួយនឹងបញ្ហាអគ្គលេខាធិការអាស៊ាន ប្រធានអាស៊ានត្រូវជាជាតិថៃ ឬមានប្រពន្ធថៃនោះ ខ្ញុំមិនជឿថា វាមិនដូច្នេះ ពេលនេះ ឯកឧត្ដម សូរិន ពិតសុវណ្ណ កំពុងពាក់ទង់ជាតិអាស៊ាន គាត់មិនអាចដើរចូលតុចរចាពាក់ទង់ជ័យថៃទេ។ គាត់ពាក់ទង់ជ័យអាស៊ាន ដូច្នេះគាត់ត្រូវបំពេញកាតព្វកិច្ចអាស៊ាន។ ឯចំពោះរដ្ឋមន្ត្រីការបរទេសឥណ្ឌូណេស៊ីខ្ញុំទុកចិត្តគាត់»។
ប្រទេសជាសមាជិកអាស៊ានរួមមានដូចជា ប្រទេសកម្ពុជា វៀតណាម លាវ ថៃ ភូមា ម៉ាឡេស៊ី ប្រ៊ុយណេ ឥណ្ឌូណេស៊ី ហ្វីលីព្ពីន សិង្ហបុរី។ មាត្រាទី៣១ នៃធម្មនុញ្ញអាស៊ាន ប្រទេសជាសមាជិកអាស៊ានហើយប្រធានសមាគមអាស៊ានក្នុងអាណត្តិនេះមួយឆ្នាំម្ដង តាមលំដាប់តួអក្សរដោយចាប់ផ្ដើមពីអក្សរបរទេស គឺអក្សរ A។ ហើយនៅឆ្នាំនេះដំណែងជាប្រធាន សមាគមអាស៊ាន គឺប្រទេសឥណ្ឌូណេស៊ី ហើយមានលោក ម៉ាទី ណាតាលីហ្គាវ៉ា (Maty Nataleygawa) ជាប្រធាន ហើយលោក សូរិន ពិតសុវណ្ណ (Surin Pitsuwan) ដែលជាជនជាតិថៃ កាន់ដំណែងជាអគ្គលេខាសមាគមអាស៊ាន។
ជម្លោះព្រំដែនរវាងប្រទេសកម្ពុជានិងថៃ បានចាប់ផ្ដើមនៅថ្ងៃទី១៥ កក្កដា ឆ្នាំ២០០៨ នៅពេលដែលភាគីថៃ បានលើកទ័ពចូលមកទឹកដីកម្ពុជា ក្បែរតំបន់ប្រាសាទព្រះវិហារ។ភាគីកម្ពុជា បានចោទថៃថា បានឈ្លានពានកម្ពុជា តែភាគីថៃបានឆ្លើយថា ទឹកដីមួយផ្នែកនៅក្បែរតំបន់ប្រសាទ ព្រះវិហារទំហំ ៤,៦ គ.ម ជារបស់ថៃ។ ភាគីជម្លោះទាំងពីរបានបាញ់ដាក់គ្នាជាបន្តបន្ទាប់ បណ្ដាលឲ្យទាហានទាំងសងខាងស្លាប់និងរបួស និងប្រជាជននៃប្រទេសទាងពីរ រាប់ពាន់អ្នកបានភៀសសឹកចោលភូមិស្ថាន។
ថ្លែងនៅក្នុងសន្និសីទកាសែត នៅទីស្ដីការគណៈរដ្ឋមន្ត្រី នៅថ្ងៃទី១៧ កុម្ភៈនេះ លោកនាយករដ្ឋមន្ត្រី បានលើកទឹកចិត្តឲ្យមេបញ្ជាការខ្មែរ-ថៃ តាមព្រំដែនជួបចរចា ឬពិភាក្សា និងលេងកីឡាជាមួយគ្នាជាមិត្តភាពឲ្យបានញឹកញាប់ដើម្បីបន្ធូរបរិយាកាសអមិត្តដាក់គ្នា ហើយលោកនាយករដ្ឋមន្ត្រី ថ្លែងថា លោកមានបំណងចង់ឃើញស្ថានការណ៍នៅតំបន់ព្រំដែន មានសន្តិភាពដូចមុនថ្ងៃ១៥ កក្កដា ឆ្នាំ២០០៨។
លោកនាយករដ្ឋមន្ត្រីនៃប្រទេសកម្ពុជាបានអំពាវនាវសុំឲ្យសមាជិកអាស៊ានមានបញ្ជូន អ្នកសង្កេតការណ៍ មកត្រួតពិនិត្យមើលការឈប់បាញ់គ្នានៅតំបន់ព្រំដែន កម្ពុជា-ថៃ ដែលកងទ័ពទាំងពីរកំពុងប្រឈមមុខដាក់គ្នាយ៉ាងតានតឹងនាពេលបច្ចុប្បន្ននេះ។ តែសំណើនេះត្រូវភាគីថៃទាត់ចោលភ្លាមៗដែរ ក្រោយពេលលោកនាយករដ្ឋមន្ត្រី ហ៊ុន សែន បានថ្លែងនៅក្នុងសន្និសីទកាសែតនៅក្រុងភ្នំពេញ៕
No comments:
Post a Comment